Bake N Grill (已結業)

受老闆所託買外賣，話附近有間細細間餐廳專食扒！因上次佢一個人夜晚嚟食過份豬扒！點知呢度lunch time比較旺，要點晚市食物要等30-45mins ，唯有附近買住野等！半小時後返去餐廳，佢話未得，要再等多陣！唉，心諗快D啦，肚餓呀！我今天order左個華多沙律，好似不太正宗，老闆話應該有提子乾同埋合桃，但味道真係清新嘅！牛肩甲呢個真心好味同埋比較林嘅，完全未去到煲湯肉咁＂鞋＂口，汁好有肉味！至於個豬扒堅正，juice !為什麼要出呢個post ，因為嗰份細心！拎食物時，嗰位應該係侍應，話個豬扒做得比平時生少少，又解釋返為何咁做，又建議我地用微波爐丁大約20秒度先食！有時食物質素對餐廳重要，但服務細心亦不得不加分！會晚市再到，屈老闆請！