影片
更多
2010-04-27
703 瀏覽
2010 年三月中的一個星期五, 一心想去食西苑既弛名叉燒, 其他兩家西苑都去過, 就趁這次朋友聚會黎這間啦 ! 結果係難忘詫異的一晚, 寫出遇到的事情, 大家若來這裡, 可以警惕一點.(1) 要預訂的貴價大哥叉燒上檯凍凍地之餘, 仲要幾有咬口.(2) 星期五晚冇星期五晚的 ($128) 例湯粉葛鯪魚煲豬?, 侍應強烈推荐賣成 $298 的杏汁豬肺湯 (貴過陸羽一倍多)(3) 電話預訂炆班腩又話唔使, 話可以到時叫, 去到照菜譜柯打炆班腩 ($188) 就話冇, 侍應強烈推荐每兩賣 $54 的陳皮蒸方利(4) 照菜譜要醬爆聖子皇 ($208) 又係冇, 侍應強烈推荐唔知賣幾多 $ 一兩的龍蝦(5) 石蠔煲例牌佢話只得 5 隻, 侍應話要加 3 隻至夠我地 8 個人. 結果加 3 隻埋單就加左 $100, 大蠔當然 OK, 但原來只係 2 寸左右長 d 細石蠔(6) 蛋白杏仁茶又問要唔要加湯丸,但係又話加左湯丸就會冇蛋白. 唔明解, 但我地結果有幾位加左, 佢 d 細粒又 '岩讒'既湯丸要 $5 一粒實話實說, 除以上, 其他菜式烹調及服務係 OK 的. 佢既馳名叉燒, 又凍又實又韌,
2010 年三月中的一個星期五, 一心想去食西苑既弛名叉燒, 其他兩家西苑都去過, 就趁這次朋友聚會黎這間啦 ! 結果係難忘詫異的一晚, 寫出遇到的事情, 大家若來這裡, 可以警惕一點.
(1) 要預訂的貴價大哥叉燒上檯凍凍地之餘, 仲要幾有咬口.
(2) 星期五晚冇星期五晚的 ($128) 例湯粉葛鯪魚煲豬?, 侍應強烈推荐賣成 $298 的杏汁豬肺湯 (貴過陸羽一倍多)
(3) 電話預訂炆班腩又話唔使, 話可以到時叫, 去到照菜譜柯打炆班腩 ($188) 就話冇, 侍應強烈推荐每兩賣 $54 的陳皮蒸方利
(4) 照菜譜要醬爆聖子皇 ($208) 又係冇, 侍應強烈推荐唔知賣幾多 $ 一兩的龍蝦
(5) 石蠔煲例牌佢話只得 5 隻, 侍應話要加 3 隻至夠我地 8 個人. 結果加 3 隻埋單就加左 $100, 大蠔當然 OK, 但原來只係 2 寸左右長 d 細石蠔
(6) 蛋白杏仁茶又問要唔要加湯丸,但係又話加左湯丸就會冇蛋白. 唔明解, 但我地結果有幾位加左, 佢 d 細粒又 '岩讒'既湯丸要 $5 一粒
實話實說, 除以上, 其他菜式烹調及服務係 OK 的. 佢既馳名叉燒, 又凍又實又韌, 係這晚最不濟的一味, 若大家還有再去之原因, 也要十二分當心佢 d 升哩遊說功.
撇開以上騎哩野, 評分係:
味道：4
環境：4
服務：4
衛生：4
抵食：3
不過計埋, 整體有幾項就減晒分了.
張貼
