Chalet (已結業)

想遠離商場，搵咗一間好有情調嘅餐廳，冇諗過疫情期間都爆滿要排隊！餐廳格調有啲似去咗外國咁，餐廳有一半都係坐高櫈，雖然餐廳食物種類唔多，但係完全係貴精不貴多嘅元素！我就嗌左個set，首先煙三文魚牛油果卷上面仲配三文魚子，煙三文魚同牛油果好夾，算係一個好開胃嘅前菜！而佢嘅牛扒我哋嗌左五成熟，覺得有驚喜嘅係佢嘅生熟程度真係差唔多，香港好難搵到煎得好牛扒嘅餐廳🤯旁邊嘅蕃茄仔同大蒜都處理得好好，唔係普通一般就咁放喺度裝飾嘅配菜，係真係會令你想夾埋一齊食個種！佢嘅餐湯亦都配左一個麵包，對於我呢一個麵包愛好者來講，呢個麵包真係好值得食！佢係好軟身嗰種，而且有啲發酵味嘅味道，水準真係好高！