Bluebird Coffee (樂基商業中心) (已結業)

試過呢間新舖幾次，咖啡品質算係幾穩定，係巴西埃塞再加兩隻豆，酸度唔會太高又唔會苦，好似仲有第二隻酸度/果香高啲既豆選擇， 點都好過果兩間連鎖店，食物方面估唔到可以咁多選擇，除左牛角酥夠鬆脆，同埋鬼老三文治夠晒足料之外，聽店員講食品方面，芝士蛋糕先至係鎮店之寶，由佢地老闆秘方泡製，經常賣斷，今日想試又賣晒，希望下次可以食到。BTW,聽店員講，呢間舖係第一間試業既舖頭，如果做得好就會繼續開分店，目標係做精品級連鎖店，希望佢地會成功啦！