板長壽司 (屯門時代廣場) (已結業)

星期日，一早打完golf，趕返屋企同女朋友食飯，原來女朋友約左表嫂，同佢啲表姪女，表外甥仔女，一行六人食完去玩，咁緊係我去攞位先，等張六人枱，十分鐘左右有枱，但佢地未到，因為小朋友動作慢，出門口要啲時間，服務員話唔緊要，俾我入去先好有禮貌一個人坐低，叫左少少野食頂下肚先，因為仲要二十分鐘先到，叫左個油甘魚腩壽司，珍保帶子壽司（呢件帶子，質素高，無腥味，代表新鮮），蒸蛋（有少少蒸過火），當佢地差唔多到既時候，叫定啲熟食俾小朋友，同啲魚生壽司俾女朋友同佢表嫂三文魚西京燒，西京汁太濃味，無三文魚味，但小朋友鐘意食只可以話口味各人不同鰻魚壽司，我無食，但我見小朋友食完，成個嘴都係汁，用舌頭舔舔脷，整埋嘴邊啲汁叫左呑拿魚沙律軍艦，小朋友無興趣，大人搞掂佢，味道可以，但我始終覺得軍艦呢家野，紫菜要脆先好食，但連鎖日本餐，都係做唔到仲有大拖羅刺身，同平目魚刺生，两種魚生新鮮，拖羅夠肥，但無魚味，平目魚可以仲有梅真鯛壽司，伊左目壽司，中規中矩小朋友鐘意食粟米，叫左炸粟米球（炸粉適中，無乜油，可以接受），粟子軍艦（紫菜都包唔好）芝士芒果蟹卷，芒果唔酸，炸蟹可以燒玉子，蛋香但太凍，建議可以整熱既燒玉子小朋