婆婆家餃子館

營業中

休息中

今日經過大圍見到呢間鋪頭都幾多人食，就入左去試呢一間，我地叫左兩個小菜加一個小食，分別係麻婆豆腐同埋酸菜魚，小食就叫左碧玉筍絲。兩個小菜都包一碗飯，都幾大碗😋先講下麻婆豆腐，真係幾出色，豆腐夠滑，份量多！酸菜魚呢就麻麻，問店員係咩魚，佢話大魚😂，都幾多骨，要食得小心，酸菜就偏鹹，如果酸d就好d，唯一係份量多。最後係碧玉筍絲，凍冰冰好消暑，食落好爽口，好開胃🤤細細碟開胃菜真係岩岩好。坐係入面見到好多人食餃子，先知佢係主打餃子，搵一日再來試一試佢先！