藝彩廚

營業中

休息中

呢個週末真漢子同太太去咗迪士尼嘅好萊塢酒店 staycation，冇入樂園玩純係食之旅 😆。食咗佢哋嘅晚餐同早餐 buffet 。先講吓晚餐有咩素食先。🤤如果蛋奶素嘅朋友可以食嘅嘢都唔少嘅。壽司有啲有蛋，沙律醬，牛油果，士多啤梨嘅款式，亦有米奇型嘅麻醬豆腐。佢仲有個薯仔沙律，以為食得，不過壽司師傅提醒係有火腿㗎。🥲中菜方面有炒雜菜，虎耳鮮冬菇扒時蔬，個冬菇超濃菇味，不過應該係用咗蠔油去煮嘅。椒麻皮蛋豆腐都好好食，不過冇乜麻辣感覺，所以怕辣嘅朋友都可以一試。😃西式食品有蕃茄水牛芝士，薄餅兩款之中瑪格麗特係蛋奶素，芝士味非常濃厚。另外仲有忌廉焗薯。🥔有咖哩但係同咗肉煮嘅，不過烤餅好好食，唔點咖哩都好正。我手多加咗啲芒果醬食，嘩搞唔掂，太重口味。🥴另外佢哋有 Taco，職員對食物成份好清楚，話汁係燒汁所以素食者要走汁，亦提醒唔適合純素者食，亦有五辛等詳情。事實上食物附近都有個牌表示食客有任何食物敏感都可以提出。👍🏻Taco 我試咗菠蘿芒果沙沙，好味得嚟好有特色，充滿異國風情。客人可以根據自己喜歡加配料，如牛油果醬，粟米粒等等。☺️甜品都係蛋奶素為主，例如芒果拿破崙就好高質。因為農曆新年關係甜品