影片
更多
2021-05-05
386 瀏覽
❀ 迪士尼皇室宴會廳 #大嶼山 ❀❗️迪士尼新推出皇室佳釀美食節 打卡一流味道有驚喜❗️——————————————————以前去迪士尼好少幫襯佢哋嘅餐廳，覺得多數又貴又唔好食，但最近佢哋推出左嶄新嘅「皇室佳釀美食節」✨採取代幣形式，一個金幣換取一碟食物，有少少似food court嘅感覺，但賣相用心你擺咗唔少迪士尼嘅元素，絕對吸引大人細路嘅眼球😍另外食物質素出乎意料地比想像中高，當中包括獲獎嘅環球美食、分子料理等等。由而家起至6 月 27 日逢星期五至日及公眾假期都可以享用，大家快啲去迪士尼又玩又食啦！.想食嘅朋友可以預先喺網上以早鳥優惠購買美食節電子代幣，每五個$200咁購買，仲可獲贈限定唐老鴨主題紀念品😆而且迪士尼「奇妙夢想城堡」仲剛剛正式啟動，13個城堡塔分別代表着13個經典迪士尼公主、女王嘅故事，幾有特色！最正係而家冇乜遊客，當日五一去到，最耐都只係排大約20分鐘隊，好快可以玩晒所有機動遊戲🤩。.✷𝑀𝑒𝓃𝓊✷☞ 皇室佳釀美食節 $200/五個代幣分別有唔同嘅區域，每一個代幣可以換一款美食、甜品及非酒精飲品，而酒精類飲品就需要兩個代幣。大部份都混入咗迪士尼卡通人物嘅元素，非常iga
❗️迪士尼新推出皇室佳釀美食節 打卡一流味道有驚喜❗️
——————————————————
以前去迪士尼好少幫襯佢哋嘅餐廳，覺得多數又貴又唔好食，但最近佢哋推出左嶄新嘅「皇室佳釀美食節」✨採取代幣形式，一個金幣換取一碟食物，有少少似food court嘅感覺，但賣相用心你擺咗唔少迪士尼嘅元素，絕對吸引大人細路嘅眼球😍另外食物質素出乎意料地比想像中高，當中包括獲獎嘅環球美食、分子料理等等。由而家起至6 月 27 日逢星期五至日及公眾假期都可以享用，大家快啲去迪士尼又玩又食啦！
.
想食嘅朋友可以預先喺網上以早鳥優惠購買美食節電子代幣，每五個$200咁購買，仲可獲贈限定唐老鴨主題紀念品😆而且迪士尼「奇妙夢想城堡」仲剛剛正式啟動，13個城堡塔分別代表着13個經典迪士尼公主、女王嘅故事，幾有特色！最正係而家冇乜遊客，當日五一去到，最耐都只係排大約20分鐘隊，好快可以玩晒所有機動遊戲🤩。
.
✷𝑀𝑒𝓃𝓊✷
☞ 皇室佳釀美食節 $200/五個代幣
分別有唔同嘅區域，每一個代幣可以換一款美食、甜品及非酒精飲品，而酒精類飲品就需要兩個代幣。大部份都混入咗迪士尼卡通人物嘅元素，非常igable，小朋友實鍾意🥰！
.
♥ 得獎名菜廚房
包含咗迪士尼樂園各個星級主廚嘅獲獎菜式，係咁多個區域當中我最喜愛，又睇得又好味🥳！
✦「海鮮柚子沙巴翁」 (HOFEX Two to Tango – May 2015 (Silver Award)獲獎菜式)
將意大利特色甜品沙巴翁變身成鹹食，加入青口、大蝦等等海鮮，有種濃郁鮮甜龍蝦湯嘅味道，仲加埋運用分子料理整成魚子形嘅柚子醬！
✦ 「燴川辣牛肉酥盒」(Angliss Culinary Professional Chefs Challenge – June, 2015, Singapore (High Silver Award)獲獎菜式)
酥盒造成米奇形狀米奇形狀嘅，分別有充滿麻辣香氣嘅牛肉粒、香甜南瓜蓉、香滑薯蓉。又睇得又惹味！
.
♥ 環球美食專區專區
另一主菜區域之選😆有意粉、kebab、各種肉食，主打賣點有超過 1 米的芝士噴泉、用芝士王 - 帕馬森乾酪(Parmigiano-Reggiano) 即場製作卡邦尼意粉，鍾意芝士嘅就啱晒🧀不過當日費事食得咁肥膩，所以就揀咗其他肉類。
✦ 雞肉kebab
呢個算係咁多款中相對遜色，同一般嘅土耳其kebab完全唔同，用上印度薄餅製作，裏面加入左雞肉、洋蔥、蕃茄等等。唔難食，不過同想像中有出入。
✦ 美式燒西冷
呢個燒西冷反而幾有驚喜，冇諗過迪士尼樂園入面嘅燒西冷都有酒店水準！
切開粉嫩色，咬落去比想像中腍！
✦ 雞肉沙爹串燒
好鍾意佢嘅沙嗲醬，係非常香花生味嗰種印尼沙嗲醬！只係略嫌雞肉鞋咗啲。
.
♥ 分子甜品料理廚房
呢個絕對係咁多個區域當中最吸睛😍每份甜品都非常精美，而且又估你唔到嘅口感同味道！
✦ 朱古力森林杯
玩轉黑森林蛋糕🍫用海綿朱古力蛋糕作底，加上運用分子料理方法處理覆盆子果醬，製作成一個薄膜，包裹著乳酪奶油~ 朱古力味夠晒香濃，配上酸酸甜甜嘅覆盆子，既打卡又好味。
.
♥ 甜品專區
除咗分子料理嘅甜品之外，亦有用上迪士尼卡通整成嘅甜品🍰每款各有特色及味道。
✦ 米妮
用上米妮經典粉紅色波點整成嘅紅絲絨白朱古力慕絲蛋糕！內裏再夾雜少許覆盆子醬，比想像中出色，層次非常分明。唯獨係白朱古力會有少少甜。
✦ 米奇
呢款係榛子朱古力蛋糕，底下仲有香脆餅底，夠晒濃郁，經典美味！
.
♥ 冷盤及沙律專區
如果想食得清淡啲都有呢個沙律冷盤專區🥗包括挪威香草三文魚、意大利風乾火腿配哈蜜瓜、鮮雜菜盤配自家制醬汁，不過我自己覺得相對上冇咁抵食，所以就冇試到。
.
♥ 飲品
最後仲有個飲品專區🥂分別有各地美酒、特色雞尾酒、本地手工啤酒、果汁等等。
不過當時我哋都自己有帶飲品，所以就慳返啲代幣食野算。
——————————————————
✨整體味道: 4/5
✨環境裝修: 4/5
✨服務態度: 3.8/5
✨性價比: 3.5/5
✨再訪興趣: 3/5 (一次難忘經歷)
.
💞整體來講
由而家起至6月27日嘅星期五六日及公眾假期可以喺迪士尼享用「皇室佳釀美食節」✨用一個代幣換取一個美食，當中大部份混入迪士尼卡通人物嘅特色，非常igable，而且味道比想像中出色得多，大部份都冇令我失望！依家迪士尼仲開啟埋最新嘅城堡，加上冇乜旅客，所以大部份機動遊戲都唔係好洗排隊，絕對係去迪士尼玩嘅最佳時機！有興趣嘅記住預先喺網上購買電子代幣，會有早鳥優惠㗎😆另外提提大家，疫情期間，要喺到訪樂園前 7 日內預先喺迪士尼入園網站預約及作出健康聲明。
張貼
