玖子貴 (已結業)

又來崇光地庫搵食。今次試吓來自鹿兒島，賣薩摩魚餅的「玖子貴」。開放式廚房，感覺乾淨且製作一目了然，而且「晒冷」咁把食物陳列開來，放便人睇版。通常D人會買回家再翻熱，但亦可立食，我便屬後者。吃了三樣東西。最正斗係包入流心蛋的流心蛋魚餅，流心蛋的狀態很完美，漏蛋汁的程度剛好，再外包魚肉，令人吃得滿足。北海道粟米魚餅剛炸起，唔錯，尤其係粟米粒甚清甜。反而那件明太子醬小丸魚餅擺凍了，冇咁好。那些明太子唔係一粒粒，真的是弄成醬，味道冇咁鹹，如果翻熱佢應會好味很多。價錢方面，三件小東西要$80，都咪話唔貴。