Mini Friday (銀城廣場) (已結業)

去完人山人海嘅旺角購物之後，想搵一處地方靜靜地食個晚餐，就揀咗喺人山人海嘅西洋菜南街上面嘅Mini Friday 了。一入到去佢就送上小食開個胃先，脆脆地都唔錯㗎。之後打開餐牌見到都有唔同嘅嘢食，有小食有扒有海鮮有意粉等等。就一於叫一味雞，一味牛加埋餐湯同餐飲試吓啦。雜菜湯前菜除了小食之外，有這碗熱辣辣既雜菜湯開胃，也是很不錯的。燒黃油春雞我相信佢嘅品種係法式嘅燒春雞，見到佢既火候預得啱啱好，剛剛熟，一啲都唔會鞋口，這是一隻成功嘅燒春雞非常重要的一環。另外雞調味得不錯，咬落去都好juicy，推介! 岩鹽燒牛脷另一樣推介之選，估唔到佢配合得十分不錯，牛脷絕對唔會太過硬或者太過咸，厚切大大件，大約七成熟，有牛味之餘又有口感，正!凍檸茶最後送上餐飲一路食一路傾一路飲，悠閒地透過窗口望着下面街上匆匆忙忙的路人，相映成趣，成就了愉快的一餐。