影片
更多
2024-05-28
378 瀏覽
西餐廳空間感十足，樓底十分之高，有用吊燈同埋鏡做裝飾，令人置身其中完全冇壓迫感，枱與枱之間嘅距離亦都適中。餐牌有好多唔同嘅選擇，而且價錢合理，餐廳最近做緊優惠， 點主菜加$18有酥皮龍蝦湯，啤酒買一送一等等優惠，梗係唔好錯過啦。酥皮龍蝦湯，雖然係做緊優惠價已經可以飲到，但係龍蝦湯嘅質素依然好高。酥皮焗到黃金嘅色澤，非常誘人。而龍蝦湯味道非常濃郁，裏面亦都有唔同嘅海鮮配料。鵝肝配多士嘅食材質素非常之高，鵝肝厚厚一片，而且非常大件。鵝肝一口咬落去充滿油脂嘅香氣，而且亦都冇根，配合埋酸酸嘅醬汁，令人唔會太過膩。推介大家過嚟試一試。另外，係餐牌見到有白鱔串燒，就試一試新嘢。令人驚喜嘅係白鱔新鮮而且非常厚身，加埋濃郁嘅醬汁，味道非常之好。冇諗過喺居酒屋以外嘅呢一間西餐廳可以食到質素咁高嘅白鱔串。唔少人嚟到呢間餐廳都會嗌嘅脆皮燒乳豬，點完食過之後終於知道點解。乳豬望落去就已經知道佢係非常之脆身，咬落去除咗食到皮嘅香脆之外，亦都食到肉嘅甘香同埋油脂嘅甘香，而且廚師已經去咗骨，令人食落去就更加方便。碟上亦都有兩隻醬汁可以配搭，一隻係微微嘅辣醬。另外一隻係甜醬，兩款醬配搭令乳豬又有唔同嘅感覺同埋味道。意
餐牌有好多唔同嘅選擇，而且價錢合理，餐廳最近做緊優惠， 點主菜加$18有酥皮龍蝦湯，啤酒買一送一等等優惠，梗係唔好錯過啦。
酥皮龍蝦湯，雖然係做緊優惠價已經可以飲到，但係龍蝦湯嘅質素依然好高。酥皮焗到黃金嘅色澤，非常誘人。而龍蝦湯味道非常濃郁，裏面亦都有唔同嘅海鮮配料。
鵝肝配多士嘅食材質素非常之高，鵝肝厚厚一片，而且非常大件。鵝肝一口咬落去充滿油脂嘅香氣，而且亦都冇根，配合埋酸酸嘅醬汁，令人唔會太過膩。推介大家過嚟試一試。
另外，係餐牌見到有白鱔串燒，就試一試新嘢。令人驚喜嘅係白鱔新鮮而且非常厚身，加埋濃郁嘅醬汁，味道非常之好。冇諗過喺居酒屋以外嘅呢一間西餐廳可以食到質素咁高嘅白鱔串。
唔少人嚟到呢間餐廳都會嗌嘅脆皮燒乳豬，點完食過之後終於知道點解。乳豬望落去就已經知道佢係非常之脆身，咬落去除咗食到皮嘅香脆之外，亦都食到肉嘅甘香同埋油脂嘅甘香，而且廚師已經去咗骨，令人食落去就更加方便。
碟上亦都有兩隻醬汁可以配搭，一隻係微微嘅辣醬。另外一隻係甜醬，兩款醬配搭令乳豬又有唔同嘅感覺同埋味道。
意粉方面，點了松葉蟹柳明太子汁意粉。非常喜歡呢間餐廳嘅調味非常適中，唔會過鹹蓋過食材本身嘅味道或者過淡，呢個意粉就係當中嘅表表者。
黎呢間西餐廳，咁梗係要嗌返杯啤酒同朋友一齊𣈱飲啦。呢間餐廳食物質素咁高，而且又有飲品優惠，真係非常適合一大班朋友嚟聚會。
張貼
