西西里餐廳

營業中

休息中

呢間餐廳食品正常，價錢雖然比附近一帶貴少少，我都經常惠顧，一直沒有大問題。今日，我兩公婆如常嚟到享用早餐，一份牛扒一份魚柳，當時，侍應一個著白色衫一個著黑色衫，準備落單時唔記得問邊一位，答案係叫我搵另外一個，唯有等啦⋯⋯點知，黑衫一直幫後到，但近佢嘅兩枱食客落單，我唯有再等⋯⋯落單後，見到侍應攞住杯齋啡逐張檯問係咪佢，之後又攞杯凍啡走甜俾後到，但要凍齋啡走甜嘅食客，感覺好亂。之後，一直有扒餐、三文治等餐送到後到食客檯，我問其中一個侍應，佢嘅解釋係分兩個人做，可能一個快啲一個慢啲。期間，我見黑衫同白衫根本都有落單，真係嬲嬲哋，都算，嚟到嘅魚柳薄過紙、細塊又有啲怪味，沙律菜有部分發黑，呢個真係忍唔到，叫過白衫，佢嚟到我叫佢黑色菜唔好俾人，佢望一望啲菜走去幫隔離檯落單，漠視我嘅建議，我隨那在此做過記錄，希望管理層能夠正視，改善下。另外，餐牌寫嘅煎焗流心蛋，唔似煎焗，方法可能唔同唔緊要，試過幾次嚟到根本冇流心，希望改善。