影片
更多
2022-06-29
2683 瀏覽
一大班朋友一齊食飯嘅好處，就係可以叫多幾款小菜試！記得預早打電話去book枱，就唔需要浪費時間等位！Menu上嘅餸樣樣都好好味咁！餐廳係自己寫低要叫咩！咁就白紙黑字，唔怕店員落錯單！酥炸大腸即叫即炸再即上，外脆內軟，非常有驚喜！大大條，大大件，8人食，前菜嚟講份量相當足夠！椒鹽鮮魷新鮮鮮魷，炸得香脆可口，又係有外脆內軟嘅口感！好味！香煎墨魚餅呢個墨魚餅非常出色！大中華必食！足料墨魚，非常彈口，而且煎至金黃，賣相一流！加上好多塊，唔怕唔夠食！咸魚煎肉餅都算係一款喺中式餐館/茶餐廳好鐘意點嘅小菜！因為要肉餅煎得脆，再加一定要食到咸魚，其實並不容易！可惜，大中華嘅咸魚煎肉餅就幾令我失望！雖然火候控制得好好，肉餅煎得金黃香脆，可惜肉餅肉質一般，有少少散，唔夠彈牙。咸魚味可以再多少少會更加正！南乳吊燒鱔又一款大中華名物！鱔片大大片，成塊炸再切，外皮非常脆口！鱔片魚肉彈牙！再加上南乳醬一齊食，非常特別！生炒骨呢度有生炒骨，無咕嚕肉。一款去大排檔必試手勢嘅菜式！味道OK，份量都大，係肉量少咗啲，但整體OK！鐵板黑椒肥牛粒用鐵板上，熱焫焫，黑椒味濃！但始終講明肥牛粒，牛粒真係相對肥！假如瘦少少會好啲！
Menu上嘅餸樣樣都好好味咁！餐廳係自己寫低要叫咩！咁就白紙黑字，唔怕店員落錯單！
酥炸大腸
96 瀏覽
0 讚好
0 留言
酥炸大腸
即叫即炸再即上，外脆內軟，非常有驚喜！大大條，大大件，8人食，前菜嚟講份量相當足夠！
椒鹽鮮魷
82 瀏覽
0 讚好
0 留言
椒鹽鮮魷
新鮮鮮魷，炸得香脆可口，又係有外脆內軟嘅口感！好味！
香煎墨魚餅
55 瀏覽
0 讚好
0 留言
香煎墨魚餅
呢個墨魚餅非常出色！大中華必食！足料墨魚，非常彈口，而且煎至金黃，賣相一流！加上好多塊，唔怕唔夠食！
咸魚煎肉餅
73 瀏覽
0 讚好
0 留言
咸魚煎肉餅
都算係一款喺中式餐館/茶餐廳好鐘意點嘅小菜！因為要肉餅煎得脆，再加一定要食到咸魚，其實並不容易！可惜，大中華嘅咸魚煎肉餅就幾令我失望！雖然火候控制得好好，肉餅煎得金黃香脆，可惜肉餅肉質一般，有少少散，唔夠彈牙。咸魚味可以再多少少會更加正！
南乳吊燒鱔
118 瀏覽
0 讚好
0 留言
南乳吊燒鱔
又一款大中華名物！鱔片大大片，成塊炸再切，外皮非常脆口！鱔片魚肉彈牙！再加上南乳醬一齊食，非常特別！
生炒骨
66 瀏覽
0 讚好
0 留言
生炒骨
呢度有生炒骨，無咕嚕肉。一款去大排檔必試手勢嘅菜式！味道OK，份量都大，係肉量少咗啲，但整體OK！
鐵板黑椒肥牛粒
52 瀏覽
0 讚好
0 留言
鐵板黑椒肥牛粒
用鐵板上，熱焫焫，黑椒味濃！但始終講明肥牛粒，牛粒真係相對肥！假如瘦少少會好啲！有薯仔西蘭花墊底，所以有啲refresh嘅感覺！
上湯菜心苗
45 瀏覽
0 讚好
0 留言
上湯菜心苗
普通一碟菜，但似菜心多過菜心苗，而且有少少overcooked ，菜唔夠爽口。
黃鱔煲仔飯
264 瀏覽
0 讚好
0 留言
黃鱔煲仔飯
黃鱔份量充足，帶果皮味，大大煲飯。
臘味煲仔飯
75 瀏覽
0 讚好
0 留言
臘味煲仔飯
個人嚟講較鐘意臘味煲仔飯，因為有臘味油香。但大中華嘅煲仔飯，整體都太多蔥，蔥同飯比例好似1:1，有點兒over！而且如果論臘味煲仔飯，真係同嚐囍嘅黃金臘味撈飯無得比。嚐囍嘅黃金撈更香口，飯焦更香脆，臘味口感更豐富。而大中華嘅飯就較濕，唔夠乾身。
土匪雞
145 瀏覽
0 讚好
0 留言
原隻企喺到上，望落以為細細隻，但原來好夠食。皮脆肉嫩，而且雞有預先醃好，所以雞肉嫩滑好味！
整體來講，大中華好適合一大班朋友食！價錢親民，份量剛好，味道出色！唯一唔好係環境一般，但無損食物質素！
(滿分為🤤x5)
好味指數: 🤤🤤🤤🤤
抵食指數: 🤤🤤🤤🤤
回頭指數: 🤤🤤🤤🤤
張貼
