紫蝶花 (已結業)

星期日同bb去完遊戲室玩，夜晚就約左媽媽食晚飯，呢到地方大都好適合一家人。泰式鳳爪 $58每次食泰菜都必點，無骨鳳爪酸酸辣辣好開胃，鳳爪好爽口，估唔到份量都好多，食極仲有。印度尼西亞炒飯 $68炒飯都幾多配料，炒得好乾身，份量多。青咖哩雞肉 $68青咖喱帶有少少辣，雞肉肉質嫩滑，唔過老，配菜有茄子青豆都幾入味。油酥手抓薄餅2件 $38專登叫黎配青咖哩，薄餅好軟熟，吸滿咖哩汁，好正。馬拉盞炒芥蘭 $65芥蘭爽口無渣，用馬拉盞炒好惹味。椰青 $48清新鮮甜，啖啖椰肉。