影片
更多
2015-02-10
349 瀏覽
閒時都會唻HMV Kafe食晏或食Tea，整體食物質素中規中矩，咖啡飲品類時刻保持一貫水準，首推Mocha。食物(尤其set lunch)就唔係時時都咁啱胃口，反而散叫嘢食質素較好。Set lunch一般為三選一，$98至$128不等，通常每星期轉一次款，有三文治類配薯條，意粉/長通粉類，意大利飯，煎魚，烤雞，牛肋條等等.... 配以沙律或餐湯，及餐飲。1)只試過一次嚐到牛：肉質好鬆軟，配汁好味，肉嘅份量超足夠，但冇乜配菜，啱哂食肉獸。2)煎魚/雞類：魚扒不時會轉種類，煎魚一般都保持水準，外皮脆內肉質軟滑，份量唔太多，有時配少量蔬菜，薯蓉，有時配少量紅米飯/意大利飯。3)長通粉/意粉類：一般最常食到茄汁長通粉或意粉，或白汁什菌意粉等......款式普普通通，味道不過不失，但欣賞佢食物夠熱。 4)意大利飯類：飯質偏硬啲啲，有配以魷魚，魚，青口等等海鮮之類，亦有配什菌之類，味道不過不失。5)三文治類：一般都係脆包加啲蔬菜，有時配烤雞，有時配火雞片之類，味道不過不失，視乎咩配料，另配香口炸薯條，份量都幾足。6)Pizza類：無論散叫嘅pizza或set lunch嘅pizza，size都幾足
Set lunch一般為三選一，$98至$128不等，通常每星期轉一次款，有三文治類配薯條，意粉/長通粉類，意大利飯，煎魚，烤雞，牛肋條等等.... 配以沙律或餐湯，及餐飲。
1)只試過一次嚐到牛：肉質好鬆軟，配汁好味，肉嘅份量超足夠，但冇乜配菜，啱哂食肉獸。
2)煎魚/雞類：魚扒不時會轉種類，煎魚一般都保持水準，外皮脆內肉質軟滑，份量唔太多，有時配少量蔬菜，薯蓉，有時配少量紅米飯/意大利飯。
3)長通粉/意粉類：一般最常食到茄汁長通粉或意粉，或白汁什菌意粉等......款式普普通通，味道不過不失，但欣賞佢食物夠熱。
4)意大利飯類：飯質偏硬啲啲，有配以魷魚，魚，青口等等海鮮之類，亦有配什菌之類，味道不過不失。
5)三文治類：一般都係脆包加啲蔬菜，有時配烤雞，有時配火雞片之類，味道不過不失，視乎咩配料，另配香口炸薯條，份量都幾足。
6)Pizza類：無論散叫嘅pizza或set lunch嘅pizza，size都幾足，夠2人分享，且普遍味道都唔錯，好食!
7)小食類：試過雞翼，炸雞肉條，炸魚柳...等等，冇咩特別，味道都可以的。
8)咖啡類：試過多款唔同咖啡，普遍味道都唔差，最鍾意都係Mocha，咖啡拉花或畫花時有唔同，視乎咖啡師而定。
整體而言，食物水準中規中矩，一般cafe西餐尚可，咖啡飲品質素較食品為好，價錢中中上，但服務都幾好，店員都好nice又有禮貌，閒唻一試無妨。
P.S. 近期加價後又做緊優惠，第2份set lunch可享半價優惠，不過唔知優惠做到幾時。
張貼
