小南國 (已結業)

今日同媽咪食飯，去到沙田個頭好似冇乜嘢啱食。呢一間小南國比較啱同屋企人食餐正式嘅飯，不過夜晚時間去真係好多人，排隊都已經排咗半個鐘有多，但係見到個餐牌上面好多都好似好好食咁，就算等幾耐都好想試吓。入到去其實講抵食又唔係好抵，因為一碟餸閑閑哋都起碼8 90蚊，但係講精緻同好食佢係唔錯嘅，我特別鍾意呢一個酒釀桂花小丸子，佢既酒味都幾出，但係唔會太苦，而且啲小丸子煙煙銀銀份量都少，上面仲有啲細細粒嘅嘢，加埋落去食落十分之有口感，食完一碗之後我仲叫多咗一兜同屋企人食添！食完返尋味