Fill In (已結業)

原來黃埔開咗間西餐廳，於是約埋友人襯長假期一齊去食lunch，不過因為仲限聚緊，今次只能四人同行🙈去到餐廳，第一下已經俾個環境吸引，好寬敞的地方啊！區內附近想搵間坐到咁舒服的餐廳真係少（可能得酒店先有🤔🤔🤔）呢日仲好好天氣，坐在餐廳裡面日光好充足，打卡一流店員同我哋講因爲剛剛開始試業，所以暫時只係做緊set lunch 同埋set dinner, 於是我哋一伴揀一個set 試我食嘅係羊架，好食羊架外有微微炭烤香味，裡面十分juicy，感受到廚師好用心處理件羊，配菜都好好味，尤其是紅菜頭同埋我偏愛的法邊豆～打卡都arm 友人食既，一路食一路讚，攪到我都想食多個餐😂 其實我平時都有煎下銀鱈魚、鱸魚，但真係掌握唔到點可以外脆內嫩，但呢度個魚就真係咁嘅texture!!黑毛豬鞍都好不錯，烤得剛剛好，唯一要挑剔的是唔夠汁，因為件豬鞍都幾大件，好快就點晒啲汁...最後一個係risotto, 是素食來得。牛肝菌味十分出，非常濃郁！份量剛剛好～跟餐可以加湯、沙律同甜品，我哋有人叫咗湯，同四份甜品（今次剛巧都是甜品控組合）湯是甘荀湯，ok的，不是十分特別，但係滑嘅。甜品就真係有驚喜，係一個非常清新嘅柚