玩具屋

營業中

休息中

放工後同朋友想食好啲，我地之前分別都食過玩具屋但冇一齊食過，突然興起book放工去食～✨燒雞泡魚乾 $72我係食完玩具屋嘅雞泡魚干之後，去親居酒屋成日想嗌但嗌完成日中伏，唔係太乾，就係完全唔香。呢度嘅雞泡魚乾真係唔同啲☺️一上枱已經見到色澤係好靚，咬口少少似燒熱左嘅豬肉干但好香魚味，甜甜咸咸咁，點沙律醬佐酒食一流。✨月見蟹味噌甲羅燒 $168蟹蓋入面放有蟹肉蟹膏，再在上面加上蛋黃，旁邊有烤烘好嘅多士，好鮮味好好食～每次食呢個都覺得要幸福流淚😭✨豚肉紫蘇卷 $45（忘記影相）好鍾意呢個配搭！半肥瘦的豚肉充滿燒肉的香味，加入味道清新獨特的紫蘇葉，大大減低肥膩感，食完當下想食多串lol另外仲點左雞肉串燒、烤羊架、茶漬飯串燒味噌茄子、免治雞肉棒同梅酒。已經食過幾次玩具屋，每次都食得好開心好滿足，已經推介左俾好多朋友～另外值得一提嘅係佢嘅室內佈置別具心思。除左好多人打卡嘅日本卡通人物玩具外，好多細節位都見到佢好努力做到好似日本居酒屋，好適合放工黎小酌一杯。