好川好菜 (已結業)

果日行過尖沙咀A2出口附近,有一個著中式旗袍既人派左張傳單比我,原來是一間食川菜的餐廳，呢張傳單可以食滿500減100添！見幾抵一於就上去試下啦～ 餐廳裝修係行中國古代風格，香港真係比較少見。連廁所都係主題風格Lunch set都幾抵，68蚊就有一個菜一個湯一個飯以及飲品！我地叫左個lunch set，以及見到呢度既酸菜魚係用龍躉咁特別，都叫左個黎試下！ 呢碗番茄湯非常好飲，好濃郁好重玉米的甜味及番茄既鮮味，而且覺得似冇落味精 好川回鍋肉鍋氣足!有四川獨有既惹味，但唔會好辣，就算唔食得辣既人都接受到。回鍋肉切成薄片，唔會好肥，送飯一流。 紅油炒手面炒手皮好薄，但湯底比較清淡，適合唔食得辣既人 酸菜沙巴龍躉終於黎到今日既主角酸菜魚！呢度既酸菜魚係用龍躉，咬落肉質比較結實。酸菜味道好食，最特別係落左大量蒜蓉，蒜味超濃郁。 跟餐可以選擇罐裝飲品。呢間川菜應該是改良川菜，既有四川獨特既味道，但又唔會好辣，適合返香港人口味。