隨然有機玄米菜食料理 (已結業)

而家放假已經唔係行山做運動，每次都只係想揾間環境舒適、可以hea好耐既餐廳休息下，呢間素菜餐廳都幾適合。叫左兩個套餐，分別係陰陽平衡套餐-和食同洋食。陰陽平衡套餐-和食 ($138)前菜有蘿蔔蓉味噌湯、冷豆腐同埋羽衣甘藍野菜沙律。羽衣甘藍獨有既甘苦味，配上黑醋汁酸酸地開胃。主菜係豆腐主食。豆腐微微炸過令外皮皺起，咬落軟滑，豆香味濃。配上糙米飯，有豐富維他命B，更加健康。陰陽平衡套餐-洋食 ($138)前菜同樣有蘿蔔蓉味噌湯同埋羽衣甘藍野菜沙律，冷豆腐換上焗南瓜紅菜頭藜麥。藜麥係岀名既super food，食完唔知可唔可以陰陽平衡，但肯定既係營養價值高味道有淡淡紅菜頭香味。主菜係味噌野菌長通粉。估唔到日式既味噌湯底煮成汁，配上意式既長通粉，又岀奇地好食 長通粉軟硬度適中，略帶咬口。最後加上一杯豆漿咖啡，慢慢欣賞自然光滲入既環境。