影片
更多
2023-04-21
1368 瀏覽
餐廳：Esc (銅鑼灣)地址：銅鑼灣永興街7號地下及1樓被生活壓榨得太耐，有時都真喺幾想逃離人類荒謬，搵個真喺可以隔絕外界同享受Me time嘅地方，重新搵返究竟自己喺邊個，珍惜當下，淨係被「舒適」同「休閒」圍繞銅鑼灣近天后永興街呢間開咗接近兩年嘅Cafe—— Esc ，就希望創造一個可以比都市人逃離一吓現實嘅地方，以佔地兩層、高樓底同落地透光大玻璃嘅設計，營造咗一個寧靜舒服嘅空間，老闆仲保留咗部分建築本身嘅陶泥成為Cafe嘅一部分，明確咁凸顯出一種工業風格特色🏭，樓上一樓仲有一啲望街景嘅自閉梳化座位🛋，俾你可以喺度自由自在咁Hea返個下晝☺️相信大部份人都會覺得一間Cafe，食物永遠喺主角而咖啡喺配角，但喺其實對於一個真正愛咖啡嘅人嚟講☕️，咖啡先至喺佢哋揀一間Cafe嘅關鍵😌，而Esc嘅店主就非常重視佢哋咖啡嘅品質，甚至由外地採購唔同嘅精品咖啡，加埋佢哋嘅Fushion主菜同甜品，組合成唔同嘅款式配搭，比你品嚐到咖啡喺唔同配搭下嘅變化同滋味餐廳定期每兩個星期就會提供一款新嘅精選手沖咖啡豆，而嚟緊亦會有更多SOE單品咖啡豆選擇，我今次就試咗佢哋House Blend用巴西同哥倫比亞混合咖
地址：銅鑼灣永興街7號地下及1樓
被生活壓榨得太耐，有時都真喺幾想逃離人類荒謬，搵個真喺可以隔絕外界同享受Me time嘅地方，重新搵返究竟自己喺邊個，珍惜當下，淨係被「舒適」同「休閒」圍繞
銅鑼灣近天后永興街呢間開咗接近兩年嘅Cafe—— Esc ，就希望創造一個可以比都市人逃離一吓現實嘅地方，
以佔地兩層、高樓底同落地透光大玻璃嘅設計，營造咗一個寧靜舒服嘅空間，老闆仲保留咗部分建築本身嘅陶泥成為Cafe嘅一部分，明確咁凸顯出一種工業風格特色🏭，
樓上一樓仲有一啲望街景嘅自閉梳化座位🛋，俾你可以喺度自由自在咁Hea返個下晝☺️
相信大部份人都會覺得一間Cafe，食物永遠喺主角而咖啡喺配角，但喺其實對於一個真正愛咖啡嘅人嚟講☕️，咖啡先至喺佢哋揀一間Cafe嘅關鍵😌，而Esc嘅店主就非常重視佢哋咖啡嘅品質，甚至由外地採購唔同嘅精品咖啡，加埋佢哋嘅Fushion主菜同甜品，組合成唔同嘅款式配搭，比你品嚐到咖啡喺唔同配搭下嘅變化同滋味
餐廳定期每兩個星期就會提供一款新嘅精選手沖咖啡豆，而嚟緊亦會有更多SOE單品咖啡豆選擇，我今次就試咗佢哋House Blend用巴西同哥倫比亞混合咖啡豆沖製而成嘅Cappuccino($45)，淺烘焙嘅咖啡豆帶出輕輕嘅Nutty口味，同鮮奶混合出好似雲呢拿嘅Creamy口感，奶滑香醇😍️；另外朋友叫咗杯以Espresso Ristretto慢慢流入冷凍Essence Milk而成嘅Esc Dirty($55)，分層嘅美感同持續性，溫度嘅差距仲有先啡後奶嘅沖撞滋味，值得你過嚟好好咁細味品嘗😋
主食叫咗個韓式泡菜芝士千層麵配肉醬($115)同
香煎三文魚配藜麥和蜜柚沙律($115)，
另外仲有令人垂涎三尺嘅甜品Brioche French Toast($95)，
千層麵切開拎起有拉絲效果，加上泡菜迎嚟創新嘅韓式fusion口味🇰🇷；
沙律用咗比較少見嘅意大利米粒麵(Orzo)混合埋藜麥同麥柚，相當特別😎；
用法式布里歐整成嘅多士，充滿牛油同糖漿香，面頭加上焦糖杏仁吉士醬，做成外脆內軟熟口感，配埋自製牛油果醬同水果一齊食就更豐富同無咁膩👍
張貼
