為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

jeremy19921113

等級4

141

逆市下仲敢開分店既食牛專門店 - 牛角Buffet放假同朋友行過尖沙嘴，近地鐵站既餐廳都一定滿座，要搵間容易有位而且高質既餐廳都真係好難，咁岩係美麗華商場見到有間牛角係度，反正咁耐無食，決定同朋友去試下。唔講都唔知，疫情之下，牛角近日宣布，將於葵芳新都會廣場開設牛角Buffet分店，目前店舖已圍板，預計6月底開幕，將成新界首間Buffet分店 !等左大約半個鐘就入得去了。餐廳都算幾大，應該都坐到過百食客，而且裝飾得幾現代感，天面藝術氣氛幾重，燈光就略微暗，唔知係咪刻意營造氣氛呢 ? 坐低之後，職員簡單講解點樣用IPAD點餐就繼續工作了。牛角Buffet設有6個level，可以任食多達147款美食，由熊本豚肉、新潟雞爽肉，到澳洲和牛、鹿兒島A5和牛都應有盡有，另外亦有廣島蠔、鮑魚、甲羅燒等海鮮。餐廳內設有自助區，無限量供應前菜、沙律、飲品、甜品等，晚上6時前入座更可享早割優惠 !全日放題店就以優惠價錢就可以任食多款燒肉、海鮮。限定menu有5個放題選擇，更會不時增加放題美食項目，$338已經可以吃到美國SRF和牛牛板腱、廣島蠔，$608更可任食日本A5和牛及甲羅燒等 !咁就簡單俾少少評語

等左大約半個鐘就入得去了。餐廳都算幾大，應該都坐到過百食客，而且裝飾得幾現代感，天面藝術氣氛幾重，燈光就略微暗，唔知係咪刻意營造氣氛呢 ? 坐低之後，職員簡單講解點樣用IPAD點餐就繼續工作了。

牛角Buffet設有6個level，可以任食多達147款美食，由熊本豚肉、新潟雞爽肉，到澳洲和牛、鹿兒島A5和牛都應有盡有，另外亦有廣島蠔、鮑魚、甲羅燒等海鮮。餐廳內設有自助區，無限量供應前菜、沙律、飲品、甜品等，晚上6時前入座更可享早割優惠 !

全日放題店就以優惠價錢就可以任食多款燒肉、海鮮。限定menu有5個放題選擇，更會不時增加放題美食項目，$338已經可以吃到美國SRF和牛牛板腱、廣島蠔，$608更可任食日本A5和牛及甲羅燒等 !

咁就簡單俾少少評語啦 :
肉類
必食既一定係上級牛肋肉！佢同普通牛肋肉真係差好遠，香好多，口感亦都無咁鞋。雖然未到入口即溶嗰個程度，不過都相當唔錯。唔食牛既人都可以試佢既雞，都幾滑，雞爽肉就爽口彈牙啲，豬就推薦豬頸肉。

海鮮
半殼扇貝、蝦都唔錯，不過我覺得剝蝦太麻煩，所以無叫到好多，試下就算。牛油帶子就偏鹹。牛角既海鮮係比牛肉失色，所以建議大家都係食肉就算啦。

炸物
基本上都係普通野，唔係特別好食，雞翼都類似某牌子好出名既氣炸雞翼，所以唔使係牛角食都得。炸芝士蜜糖年糕就唔錯，真係拉絲芝士，同埋係出面比較少見啲，推薦可以試下。

自助區
牛角飯有得自己整幾好玩，好彩自己整出黎唔算難食，唔係就要受罪啦。關東煮好普通，試左一舊就無再拎，順便拎多個沙律懶健康。其他都無乜特別，雪糕味道經常轉，自己唧雪糕又幾好玩，佢既雪糕食過幾次都係偏冰既口感，唔係偏奶嗰隻，睇個人喜好鐘意邊種。

總結 : 個人意見其實buffet唔係太抵，個人比較建議食放題，細食既就散叫都ok。始終炸野同海鮮佢都唔係特別出色，但buffet食一兩次試下都可以既。