MeeMeeMe (已結業)

今日約咗去黃竹坑朋友屋企食晚餐，但時間尚早就係附近搵間餐廳坐下醫下肚啦，依間又新又近地鐵站，就你啦！牛肉至尊牛骨湯河一上枱已經聞到牛骨湯嘅味道，試一啖又鮮又甜。牛肉有好幾款，啲牛腩炆得又淋又入味👍🏻，配料嘅份量都好足，夠晒多餸😂招牌咖喱配香茅豬扒+香茅雞翼配煎蛋飯招牌咖喱喺偏甜嘅款式，香茅豬扒同香茅雞翼炸香再浸咗落啲咖喱汁度，送飯絕對一流👍芝芝芒芒飲落十分之順口，芒果味亦十分之重，仲帶住少少忌廉芝士味，好快就清晒成杯😆草莓乳酸梳打一入口草莓味好突出，餘韻有少少乳酸味，加埋梳打水，爽口又解渴👍