Mr. Crab by The Captain's House (已結業)

Brunch broad選擇豐富，可以揀3-5款配搭，啱晒心多多同咩都想試嘅我。夏威夷醬漬三文魚酸酸哋，味道清新，好開胃。慢煮美式豬肋骨軟嫩多汁，肉味香濃，甜蜜惹味，令人食指大動，愈食愈開胃。黑松露炒蛋充滿濃厚松露香。忌廉炒菠菜忌廉汁濃稠帶有奶油香，口感清嫩creamy。沙爹豬頸肉沙爹味突出 ，香濃惹味，豬頸肉入味，爽口彈牙。黑松露忌廉湯散發住濃郁松露香。火炙牛油果口感柔軟細膩。水牛城豬仔脾肉質軟腍，用刀一切輕易將肉骨分離，加埋甜甜辣辣嘅醬汁，送飯一流！法式燴牛面肉牛面肉軟腍入味，充滿骨膠原，味道香醇濃郁。