養心殿台式養生鍋 (已搬遷) 新店位置

今次相聚就揀左去養心殿台式養生鍋，火鍋湯底有辣有唔辣 而且口味大眾化 選擇多。我地一行四人分別叫左麻辣鍋(小辣)同埋美人鍋，美人鍋湯底配料十足 有烏雞 杞子 桃膠 金華火腿 夠曬補! 麻辣鍋味道香辣惹味，令人垂涎欲滴! 我地叫左厚脂黑毛豬梅花肉、手切肥牛、蟹籽墨魚滑、餃子拼盤、萵荀、雜錦蔬菜盤。四人食都足夠，厚脂黑毛豬梅花肉同極上雪花肥牛份量恰好，夠新鮮，滋味十足。萵荀、雜錦蔬菜盤吸曬湯底的精華 令人一食難忘 萵荀簡直係打邊爐必備食物啊~ 蟹籽墨魚滑非常彈牙 好味!!!