意粉 360 (已結業)

星期五晚飯時間去到, 都唔洗得位, 餐廳都算大, 環境都算舒服乾淨。食物有好多選擇, 我地兩個人叫左一個意粉, 一個飯同一個菜, 本身仲想試下甜品, 但佢D野食都大碟, 食到幾飽。黑松露石鍋炒野菜賣相幾好, 可能因為用石鍋睇落唔錯。幾香黑松露味, 野菜種類都多, 唔會話好似某D餐廳淨係得椰菜咁頹。胡麻醬烤雞肉意大利粉呢個意粉睇落冇咩特別, 但食落幾得意, 用胡麻醬, 係幾開胃。但D雞肉有D"鞋", D菇都略嫌太少, 食多幾啖就會似就咁麻醬撈意粉。西班牙黑毛豬生薑燒野菜熱石鍋飯睇落個賣相唔錯, 聽落個名都好勁, 西班牙黑毛豬, 食落都ok既但又唔係特別好食, D飯都ok, 唔會好硬身或者太淋。整體黎講冇咩驚喜, 中規中矩咁, 係份量唔細, 一人一個飯/意粉已經好夠飽。