樂華餐廳 (已結業)

呢日行到嚟大同新邨食下午茶，喺眾多餐廳可選擇嘅清況下，我揀咗呢度。原因係佢有好多套餐可以選擇，真係好多！下午茶有接近三十款可以揀，另外仲有幾款常餐、幾款特餐、午餐、扒餐........真係好多選擇，而且價錢又平。我今次叫咗下午茶餐嘅牛扒腸仔配忌簾湯意粉：腸仔同牛扒都係一般茶記嘅貨式，忌簾湯意粉就真係用忌簾湯加意粉。不過食落呢個配搭又幾特別同幾好食！同埋都幾飽。價錢都只係廿四蚊，我覺得都好抵食。值得一試。