新釗記茶餐廳 (已搬遷) 新店位置

葵涌區工作嘅飯堂，價錢中上，勝在選擇多，一班同事去，一定搵到自己啱食嘅嘢。午餐下午茶選擇好多，炒小菜，碟頭飯，茶餐湯粉麵，乜嘢都有。午餐， set咗每個月每一周有乜嘢選擇，有飯有粉面有焗飯，有蒸飯，有中有西，所以每個人都會搵到自己想食嘅嘢，大家唔使遷就。炒野，水準一向都keep到，試過食公仔麵，出前一丁，應該正正常常，有時候會失手淡而無味。唯一不滿，座位相當逼夾，卡位又細又狹窄，但係又要兩個成年人迫埋一齊，兩個人基本上連筷子都拎唔起，膝頭哥又同對面嗰個茶客迫埋一齊，食得唔安落。肥佬老闆一啲都唔寬容，懶理你係咪熟客，成日有位都唔俾你坐係都要你哋迫埋一齊。