影片
更多
2023-07-03
838 瀏覽
坐落喺中環酒吧最多的地方，呢間日系古典風的茶店顯得別樹一格。前幾日喺網上見到呢間特色茶店，趁假日與朋友特別去探訪下！喺而家熱到嘔嘅天氣之下，沿中環蘭桂坊大斜路行上去，仲要未食午餐，都有少少辛苦，見到茶店餐牌出咗夏日限定的冰磚明太子冷麵餐，見到「冰磚」兩字就即刻落柯打。冰磚明太子冷麵餐 $268當店員捧著冰磚過來，立即feel到附近氣溫低幾度，冷到出煙的冰磚盛載著日式冷冷冷烏冬，上面仲有啲紫菜、明太子，旁邊配以梅酒冷麵汁。品嚐消暑烏冬前，先將烏冬及配料撈勻，然後再倒入梅酒冷麵汁。烏冬質感好似讚歧偏粗身，好彈牙，掛汁力強勁。我尤其鍾意淡淡的梅酒冷麵汁，好match而不會過份搶眼，最緊要係涼！快！除咗冰磚烏冬，套餐仲包括厚燒玉子、水信玄餅。厚燒玉子味道香甜，充滿和式風味。亮晶晶的水信玄餅好吸引，少許黑糖汁，少許黃豆粉，就已經令呢道簡單的日式甜品變得好好味。至於飲品，我就點咗杯靜岡冷煎茶。好欣賞茶店的用心，事先將茶杯放入冰櫃冷凍，令煎茶的低溫能long last啲。上枱時見到，居然係好似酒杯裝茶，令茶香好似飲紅白酒時咁，先聞茶香，再嚐茶味。嚟得日系茶店，梗係要加錢配埋靜岡特濃焙茶雪糕 (+$3
喺而家熱到嘔嘅天氣之下，沿中環蘭桂坊大斜路行上去，仲要未食午餐，都有少少辛苦，見到茶店餐牌出咗夏日限定的冰磚明太子冷麵餐，見到「冰磚」兩字就即刻落柯打。
冰磚明太子冷麵餐 $268
當店員捧著冰磚過來，立即feel到附近氣溫低幾度，冷到出煙的冰磚盛載著日式冷冷冷烏冬，上面仲有啲紫菜、明太子，旁邊配以梅酒冷麵汁。品嚐消暑烏冬前，先將烏冬及配料撈勻，然後再倒入梅酒冷麵汁。烏冬質感好似讚歧偏粗身，好彈牙，掛汁力強勁。我尤其鍾意淡淡的梅酒冷麵汁，好match而不會過份搶眼，最緊要係涼！快！
除咗冰磚烏冬，套餐仲包括厚燒玉子、水信玄餅。厚燒玉子味道香甜，充滿和式風味。亮晶晶的水信玄餅好吸引，少許黑糖汁，少許黃豆粉，就已經令呢道簡單的日式甜品變得好好味。
至於飲品，我就點咗杯靜岡冷煎茶。好欣賞茶店的用心，事先將茶杯放入冰櫃冷凍，令煎茶的低溫能long last啲。上枱時見到，居然係好似酒杯裝茶，令茶香好似飲紅白酒時咁，先聞茶香，再嚐茶味。
嚟得日系茶店，梗係要加錢配埋靜岡特濃焙茶雪糕 (+$30)，烘焙的茶味不會太濃味，好balance。
好友剛點了照燒雞扒定食，套餐除了主食，仲有手作茶凍、是日手沖茶（無限次添飲）。手作茶凍的賣相好似桂花糕，不過風格就更偏向日式淡然而帶有驚喜的風格，茶味雖淡，但配以好有花香的桂花，好清新。
當日品嚐的是日手沖茶為白牡丹品種茶。
張貼
