瓊媽媽 (皇后大道東)

營業中

休息中

本身在灣仔返工，一直覺得呢度既野食好貴，50係最最最低消費真係好common，基本上呢度食野一般都$60-$70，而且放飯時間係無咩餐廳會有位。一直都見有呢間海南雞成日好多人排隊，就今日試下啦。款式唔算多，對於有選擇困難既我都唔係件壞事。買完等幾分鐘就拎得，好多人但去得快。買完就可以拎返公司個位食喇！買左個海南雞油飯 $49，唔過$50有個湯，勁多飯，都算係咁。雞下面有芽菜，凍食的，雞都係唔熱既，好似海南雞都係唔熱既？！雞肉既質地其實就一般，不過$49有雞有咁多飯都算係咁。其實我想話最好味係個湯，味精應該點都有，但我第一啖飲到係粟米既甜，呢個甜真係應該人人都ok，湯入面係有兩小塊粟米同埋一舊紅蘿蔔。總之就係都可以再食既餐廳。