影片
更多
2019-02-11
1204 瀏覽
上網見某大平台經常賣廣告講到好正好好玩，又有啲似日本某間釣魚餐廳，遇着我哋一班人想食開年飯，又有大人又有細路即管去試吓啦！一行15人定好人數我哋就打電話book訂枱，經過15至20次到嘅不停redial好好彩我哋終於打通電話book到枱!有心去食嘅朋友要有心理準備最少幾十次電話☎️你就有機會會book到一張枱好似買演唱會飛咁不停重撥年初五食團年飯我哋book咗8:30pm ，餐廳旁邊就有停車場泊車都算幾方便，溫馨提示：揸車嘅朋友呢間餐廳係冇free parking我哋有朋友早到左諗住早啲去攞定枱，點知當其他朋友都到齊嘅時候先發現我哋成班朋友仲喺門口度等緊位喎！早到係冇用㗎！最終我哋入座嘅時間係8:45pm!Book咗枱都要等？！如果冇book枱我唔敢想像要等幾耐！入座嘅時候經過左一隻船，經過好多嘅魚缸，一條長長嘅走廊去到盡頭就係我哋嘅位置啦！係一間木板間開咗嘅房仔，房入邊有個窗打開個窗就係釣魚嘅位置，私隱度都夠嘅！但係當你打開咗房門嘅時候就不停會有客人行入嚟睇吓你間房到底係點樣！入到房餐廳職員問我地係咪需要釣魚🎣當然我哋梗係要問釣魚要唔要加錢啦！釣魚唔使加錢，但係魚餌係$20一份，魚餌只
又有啲似日本某間釣魚餐廳，
遇着我哋一班人想食開年飯，
又有大人又有細路即管去試吓啦！
一行15人定好人數我哋就打電話book訂枱，
經過15至20次到嘅不停redial
好好彩我哋終於打通電話book到枱!
有心去食嘅朋友要有心理準備最少幾十次電話☎️
你就有機會會book到一張枱
好似買演唱會飛咁不停重撥
年初五食團年飯
我哋book咗8:30pm ，
餐廳旁邊就有停車場泊車都算幾方便，
溫馨提示：
揸車嘅朋友呢間餐廳係冇free parking
我哋有朋友早到左諗住早啲去攞定枱，
點知當其他朋友都到齊嘅時候先發現
我哋成班朋友仲喺門口度等緊位喎！
早到係冇用㗎！
最終我哋入座嘅時間係8:45pm!
Book咗枱都要等？！
如果冇book枱我唔敢想像要等幾耐！
入座嘅時候經過左一隻船，
經過好多嘅魚缸，
一條長長嘅走廊去到盡頭就係我哋嘅位置啦！
係一間木板間開咗嘅房仔，
房入邊有個窗打開個窗就係釣魚嘅位置，
私隱度都夠嘅！
但係當你打開咗房門嘅時候
就不停會有客人行入嚟睇吓你間房到底係點樣！
入到房餐廳職員問我地係咪需要釣魚🎣
當然我哋梗係要問釣魚要唔要加錢啦！
釣魚唔使加錢，但係魚餌係$20一份，
魚餌只係有六條左右嘅蝦毛仔，
黎左一份乾爭爭好似發晒霉咁，
餐廳職員話俾我哋聽由於而家餐廳客人人數太多
我哋15個人只係可以有一支魚竿釣魚
成間房10幾個人圍住一支魚竿？！
成班人圍住一個細窗去釣魚一啲都唔好玩囉！
仲要啲咁嘅魚餌咩魚會食㗎？！
各位如果想幫餐廳餵魚買一兜都可以既！
不過就算你掉哂落去個魚缸度，
啲魚完全眼尾都唔望你啲魚餌，
完全唔覺得啲魚肚餓囉！
當你釣到魚嘅時候餐廳會有職員敲鑼打鼓，
仲要支魚竿其實係一條又幼又短嘅膠魚竿，
仲衰過小朋友啲玩具
釣到大魚都唔夠力拉上黎！
21:15俾魚竿，22:15話收竿
其實期間呢段時間
大家都係掛住食嘢都冇乜點釣過魚
跟手就話收竿啦喎
算啦！根本就釣到嘅機會係好微！
食成餐飯都係響過四至五次大鑼大鼓
見到隔離房直情係勾住個魚鰓將條魚鈎上嚟
根本就唔係釣到冇技術可言
餐廳職員講解成個魚缸入邊大概有五款魚，
每一款魚都有唔同嘅價錢，
平均月嘅價錢係有$200至$500不等，
當你釣到條魚嘅時候就要俾錢啦！
餐廳職員亦都解釋當你釣到嘅魚係必須要「要」，
唔可以就咁掉返落魚缸唔可以簡魚！
因為你釣嘅時候會勾欄左條魚個嘴，
掉返落魚缸條魚係會死，
所以條魚你係必須要買左佢，
條魚你可以選擇生食或者熟食
生食係冇加工費，即係刺身啦！
熟食一條魚嘅加工費係$80！
嘩！樣樣都係錢
到底我應該想自己釣到定想自己釣唔到魚呢？！
大家留意番
我哋坐低嘅時候職員就會解釋俾你聽
佢哋呢間餐廳係用QR code點餐嘅
就會叫你攞部可以數QR code嘅手提電話出嚟
掃左QR code就可以做點餐呢個動作！
咁如果老人家冇智能電話咁又點點餐呢？！
10幾個人圍住一部電話去點餐都幾好笑，
手機點餐大家留意番係冇圖睇㗎！
跟住有其中一個職員見我哋點餐點得咁辛苦
就喺廳度攞咗一部iPad入嚟
俾我哋做點餐呢個動作
即時方便左好多囉！
但都我哋點完一轉之後
部iPad就比職員收走咗
話有第二間房需要用喎！
我哋在三催四請佢先至再攞返入嚟俾我地用！
餐廳職員見到我哋一行咁多個人，
帶咗我哋入房之後就介紹我哋，
佢話間間房都唔介紹
見我哋咁多人就介紹我哋食喎！
介紹左今日最新鮮返到嘅象拔蚌
用黎做刺身
職員仲話只係返咗三條每一條有前手臂咁大條
我哋聽到咁大條咁多個人應該夠分啦！
就問職員到底幾錢一條
一條係$1280有前手臂咁大條
仲用手大概展示咗個長度俾我哋睇！
我哋見到咁長咁大條！
咁應該夠食啦就二話不說就order左一條
由於我哋坐嗰間房兩張枱係唔可以合埋
所以我哋就叫職員將象拔蚌分兩碟上菜！
期間亦都叫咗好多唔同嘅食物
全部都係叫上分分兩張枱放！
當呢一份象拔蚌刺身上菜嘅時候
我哋就知道「中伏」
$1280嘅象拔蚌分咗兩碟之後
每一碟只係得10條8條？？？
嘩！唔係啊嘛！
每一次我哋叫象拔蚌刺身
都會有埋個膽放係個碟度但係今次係冇㗎，
我哋就叫咗介紹我哋食好嘢呢一位餐廳職員入嚟
點解會咁得咁少？！
問佢我哋個象拔蚌膽去咗邊，
呢位職員亦都好樂意好熱心咁
嗱嗱聲走咗去廚房攞返個膽入嚟！
嘩！個膽入拎到入黎只係得個殼嘅三分之一大小，
職員強調象拔蚌做刺身嘅時候
必須要過一過熱水象拔蚌就會縮細，
但係點會有一個前手臂嘅長度縮到去一個只有手掌嘅大小呢？？？
嘩！真係長知識啊！
我哋食咁多次象拔蚌都未試過縮水熟得咁嚴重！
咁佢過呢一個熱水都將條象拔蚌過得幾熟下喎！
嚴重縮水！嚴重縮水！嚴重縮水！
職員再三強調並沒有偷龍轉鳳並沒有打貓！
跟手個職員就問我地個膽諗住點處理，
就想起輕輕帶過左縮水呢個問題！
我哋就問返個職員可以點處理？！
個職員就介紹我哋用個象拔蚌膽來做一個麵鼓湯，
但職員亦都有講解呢一個膽做麵鼓湯只係夠八個人嘅份量我哋有15個人但係你做得8份？
嘩！就算只係得八個人嘅份量
你做都要做返15個人既分量俾我哋啦！
我哋點夠分呀？！
職員表示話做多幾份會唔夠味道
咁唔夠味道你未落多啲麵鼓落去囉！
麵鼓請問值幾多錢呀？
跟手朋友就問佢幾多錢加工費？
如果要在收錢我哋梗係唔整啦！
職員就表示為表歉意
佢將呢一份麵鼓湯加工費free俾我哋！
free俾我哋？但係個象拔蚌膽係我地俾左錢架喎！
$1280買到一隻街市只係值$300 $400嘅象拔蚌
仲要講到好似好好送個湯俾我哋？！
其實絕對係搵笨囉！
我地絕對係吃貨，
每次一大班人食嘢
我哋絕對唔會叫得少
絕對唔會嫌貴......
但我哋絕對唔係水魚
喺朋友再三嘅追問底下
呢位職員離開咗房間，
我喺窗向外望見到呢一位職員行左出廳
同一位身穿便服嘅男士傾左一陣之後
係我哋再三催促嘅情況底下佢就返番入黎同我地講我哋解釋老闆已經睇過廚房既閉路電視
廚房嘅同事絕對沒有偷龍轉鳳絕對沒有打貓，
你咁講即是唔肯承認責任啦！
新年流流坳都無謂，但係絕對係不能接受！
當所有嘢嚟齊晒嘅時候，
我哋其中一位朋友感到非常之不滿意，
然之後我哋就再次叫呢一位介紹我哋食好嘢嘅職員入嚟我哋嘅房間裏面，
我哋嘅朋友表示餐廳仲有兩條象拔蚌都要晒佢
（你哋可以放心我哋係一定食得晒唔會浪費食物）
你叫廚師再片一條出嚟，
我哋即場係你面前片一條出嚟，
我哋呢啲外行人片出黎都多過你地大廚片出嚟嘅份量嘅話必須要你哋承認責任！
然後呢佢職員笑笑口咁話我哋嘅廚師非常之忙碌
冇時間出嚟片俾你地睇
但係你呢一番說話
我會一字不漏咁重複講俾我哋嘅老闆聽，
與此同時呢一位職員就離開咗我哋嘅房間，
正所謂劉備借荊州，
當然呢一位職員係一去無回頭啦！
食咁多間象拔蚌刺身呢間係絕對呃錢！
大家可以睇返相，有圖有真相！
我哋除咗叫左象拔蚌刺身之外
仲叫咗好多唔同嘅小食每一份小食
都係叫上分分兩張枱上菜，
但係你問我有邊一樣特別出色，
有邊一樣令我特別印象深刻，
我可以講「有」
就係我見到天婦羅嘅時候，
我見到有一舊係橙橙地色就心諗一定係南瓜🎃
就夾起黎食，
一食，嘩！我的天到底是什麼東東！
入面鞋霎霎冇味道！
再細心啲望真啲原來係一舊天婦羅三文魚🍣
呢個配搭真係十級難食仲要成舊都鞋霎霎，
最後買單成為$6258
10幾個人食六千幾蚊野唔計小朋友啦！
2個人食八千幾蚊我都試過...
講到食好西我一啲都唔會慳...
呢間嘢食水評仲衰過食自助餐
如果有心做日本野麻煩請用心做
你抄到日本船屋外表
但抄唔到人地既好服務
抄唔到食物水準
連最基本嘅食物份量都要厄人咩？！
香港人去日本其實好近好易架
真係當人哋係傻仔呀？！
呢間野可一不可再
呢間野可一不可再
呢間野可一不可再
張貼