東京の味

營業中

休息中

朋友介紹黎東京の味食野，有打邊爐又有燒肉，火鍋同燒肉爐都係一人size，方便一個人都可以放題😋選左牛胸腹肉日本豚放題套餐$198，湯底就要左昆布鰹魚鍋，清清地嘅湯底幾好。呢個餐有三款肉，美國牛胸腹肉、北海道夢之大地豚肉同嚴選牛肉，三款都唔錯，入口嫩滑無渣，亦唔會過肥😋自助區有多款火鍋料，抵讚係菜洗得好乾淨，切到長度同個鍋一樣，啱啱好食得方便👍其他熟食仲有天婦羅、關東煮等，朋友大讚炸蝦夠香脆。飲品有唔少罐裝同紙包，茶、果汁、汽水等，仲有唔少日本同韓國款。最後梗係唔少得甜品啦，泡芙、蕨餅、雪條雪糕等，全部任食，爽呀🤤好飽好滿足，正👍👍