阿來泰式地道風味 (已結業)

今日同朋友去咗長沙灣地鐵站，行出嚟冇幾遠嘅一間泰國菜館， 門口都人山人海，要等到十五分鐘先至可以入到去。一坐下來見到好多人都叫海南雞，好自然就叫咗個海南雞飯， 我就揀咗用油飯。 跟住就嗌咗個蒜蓉炒通菜再加多個泰皇咖喱炒大蜆， 整多個椰青水！好肚餓，首先食過海南雞全部冇骨啲肉又夠滑，豬油飯又啱啱好份量， 但我好肚餓好似唔係好夠食添！蒜蓉炒通菜炒得好香，味道啱啱好又唔會太鹹，有勁多蒜蓉啱晒我呢一個蒜蓉控。跟住就係個泰皇咖炒大蜆，熱辣辣用煲仔上好香，聞到佢落咗啲椰汁，感覺似曾相識，我自己淨係食早一嚿，全部畀我朋友食晒。不過我都唔執輸，飲番個椰青，又新鮮又清甜，解渴非常，正！