影片
更多
2016-08-14
6860 瀏覽
首先講一講服務先, 因為打電話去book位打唔通, 所以就做左個網上預約, 跟手Cafe on M有人打番俾我, 可能冇乜經驗, 一打黎就好似打俾D熟朋友咁, 冇乜禮貌, 咁我就同佢講已經做左online reservation, 佢亦即時同我check番, 然後就用一個帶點傲慢既語氣話:「窗口位冇ga la bor, 得番門口位」, 其實當時感覺都有D不爽, 但算啦, 我都明白剛步入社會既年輕人唔係太擅長溝通。原本以為book到咁full, 一定好好食 (而且見到網上食評網又話有蠔又話有龍蝦), 點知道去到, 唔駛坐門口, 而且種有窗口位(不過當然冇俾到我地啦)。另外, 收碟速度達至神級, 我真係剛剛放最後一舊入口. 口都未合埋, 佢隻手已經响隻碟則邊, 問我仲要唔要.........其實我隻碟已經冇野, 好明顯唔要, 但認真唔駛咁急, 都等我吞埋先問呀...............******************好, 入正題, 講食物! 原價$338(再加一)既lunch buffet, 比Sheraton貴$30, 大胃聯盟期待有生蠔都實屬正常, 但說好的生蠔不見了, 龍蝦都
首先講一講服務先, 因為打電話去book位打唔通, 所以就做左個網上預約, 跟手Cafe on M有人打番俾我, 可能冇乜經驗, 一打黎就好似打俾D熟朋友咁, 冇乜禮貌, 咁我就同佢講已經做左online reservation, 佢亦即時同我check番, 然後就用一個帶點傲慢既語氣話:「窗口位冇ga la bor, 得番門口位」, 其實當時感覺都有D不爽, 但算啦, 我都明白剛步入社會既年輕人唔係太擅長溝通。
原本以為book到咁full, 一定好好食 (而且見到網上食評網又話有蠔又話有龍蝦), 點知道去到, 唔駛坐門口, 而且種有窗口位(不過當然冇俾到我地啦)。
另外, 收碟速度達至神級, 我真係剛剛放最後一舊入口. 口都未合埋, 佢隻手已經响隻碟則邊, 問我仲要唔要.........其實我隻碟已經冇野, 好明顯唔要, 但認真唔駛咁急, 都等我吞埋先問呀...............
******************
好, 入正題, 講食物! 原價$338(再加一)既lunch buffet, 比Sheraton貴$30, 大胃聯盟期待有生蠔都實屬正常, 但說好的生蠔不見了, 龍蝦都好似不見了......大胃聯盟說真的有D嚇親。由於冇左生蠔, 小編第一轉就走左去熱盤, 見到選擇以lunch buffet黎講都算多, 但味道走向兩極: 一係冇味, 一係太鹹。
首先有炒飯, 海鮮炒小棠菜。海鮮炒小棠菜調味正常, 但D蝦既肉質, 好鞋好唔新鮮, 得罪講連大排檔都不如。再入D有fish n chips同長通粉。轉角有點心, 蝦餃算最正常, 皮唔算太太太厚, 調味都正常; 蓮蓉包, 皮厚餡唔靚, 蓮蓉唔滑; 跟住有烤牛...但冇烤羊...所以大胃聯盟就無緣試了。隔離有素春卷同炸蝦, 炸蝦係OK脆的, 蝦既成分超少, 幾乎見唔到有蝦; 跟住有D印度食品, 再過D有即煎魚同羊架, 兩樣都好鹹, 羊架雖然真係都幾生, 屬medium rare, 但都算edible。
再有鴨胸同飛天炒通菜, 鴨胸好鹹, 好在肉質唔鞋唔韌, 但飛天炒通菜, 又凍又冇味, 好失望!
******************
好在芝士選擇多, 有5款, 大胃聯盟覺得黑椒忌廉芝士幾特別, 奶味混和pepper, 覺得同意粉會好match。好奇怪地, 芝士旁邊佢地放左碟口水雞, 雖然得番雞胸, 而且冇乜味, 但算OK滑ge....
另外刺身檯有得自己整魚生飯, 配料唔多, 只有玉子、螺肉、八爪魚、青瓜同雜錦魚生(三文魚、吞拿魚、鯛魚), 連蟹籽都冇...
******************
海鮮方面, 如果你喜歡食蟹, 都可以响呢個lunch buffet搵到D希望, 因為佢有一座大蟹山, 而且refill都好似幾快, 但味到如何, 我就唔敢講, 因為冇食。
******************
燒味, 冇切好放出黎, 要叫佢即時切, 要左叉燒同油雞, 油雞鞋到食唔到第二啖, 叉燒完全唔脆, 口感似煲湯豬肉......
******************
最後講甜品, 佢個甜品部佈置都幾係引, 但除左moevenpick雪糕, 其他甜品都係得個甜字: 綠茶蛋糕, 甜, 冇乜綠茶香; 藍莓cheese cake、藍莓卷, 甜, 冇乜藍莓味, 椰汁芒果西米露, 完全冇誠意, 食落似罐頭椰漿加幾粒西米幾粒芒果算數。同埋都幾唔方便, 因為又係要咩都要同理面工作人員講, 等佢地續件拎俾你, 感覺有D不爽。
******************
總括, 如果要正價$338再加一(Monday to Friday), 就no no no and NO!!!
消費: $507 / 2 成人 (已加一)
張貼
