影片
更多
2014-11-12
5143 瀏覽
收工經過灣仔，未食晏，我係為食甜品去選餐廳，甜品先係我主菜，呢間之前同事介紹，就行去試下，門口對正起樓地盤，好大灰塵，仲灑緊水，避都避唔到，好在係雨粉！入到去裝修幾好，歐洲簡潔裝修，右邊櫃台，左邊桌椅，但收銀在店中央，我唔知應該先去點菜再比錢，定去收銀落單再取食物！（兩種方法都有餐廳用）又唔見有指示牌，咪去三文治櫃位問店員A小姐，話比佢知我要買煙三文魚三文治，佢無表情咁話可以，然後叫我去收銀比錢，我又行去收銀，有個女店員B小姐企響度，我去到又唔見佢有嘢做，面無表情咁就叫了店員C先生收錢，C比較有笑容，問我買了乜嘢，我講完佢就問我攞咗食物未（就你你個店員A未比食物我就叫我去比錢好混亂）我話食物加熱緊，C店員又問我仲有無其他需要，我話我要揀甜品（個櫃台前一忽後一忽斬開咗！ ）雪櫃好多選擇，店員C都無摧我，我問佢有乜介紹，佢問我喜好，我話喜歡酸甜水果味，佢就介紹了三款莓味蛋糕比我，我揀了外型好可愛嘅「雜莓慕絲蛋糕」店員C問我堂食定外賣，我話堂食，佢就上碟（仲會在碟上灑朱古力粉，好靚！）用托盤比我，八達通收錢後比個呼叫器比我，叫我響機去取包，我一陣呼叫器響，我直接去三文治櫃唸住取包（因為我坐正
入到去裝修幾好，歐洲簡潔裝修，右邊櫃台，左邊桌椅，但收銀在店中央，我唔知應該先去點菜再比錢，定去收銀落單再取食物！（兩種方法都有餐廳用）又唔見有指示牌，咪去三文治櫃位問店員A小姐，話比佢知我要買煙三文魚三文治，佢無表情咁話可以，然後叫我去收銀比錢，我又行去收銀，有個女店員B小姐企響度，我去到又唔見佢有嘢做，面無表情咁就叫了店員C先生收錢，C比較有笑容，問我買了乜嘢，我講完佢就問我攞咗食物未（就你你個店員A未比食物我就叫我去比錢好混亂）我話食物加熱緊，C店員又問我仲有無其他需要，我話我要揀甜品（個櫃台前一忽後一忽斬開咗！ ）雪櫃好多選擇，店員C都無摧我，我問佢有乜介紹，佢問我喜好，我話喜歡酸甜水果味，佢就介紹了三款莓味蛋糕比我，我揀了外型好可愛嘅「雜莓慕絲蛋糕」店員C問我堂食定外賣，我話堂食，佢就上碟（仲會在碟上灑朱古力粉，好靚！）用托盤比我，八達通收錢後比個呼叫器比我，叫我響機去取包，我一陣呼叫器響，我直接去三文治櫃唸住取包（因為我坐正對面）店員A無出聲黑面指向收銀店員B,原來佢已經交了份包比收銀（使唔使黑面，我第一次幫襯唔知規距啫！）交個呼叫器比收銀就取到份三明治！件事都未完，我取完包見唔到有餐具，咪問店員B收銀小姐，餐具響邊（我都係想攞支叉食蛋糕啫），佢又黑面，又無出聲指向我身後（原來呢間店嘅女店員唔鍾意講嘢，我強調佢係識講嘢的，因為見佢有接舖頭電話查詢的），原來有個黑色木櫃放餐具（完全無指示！個櫃係窄櫃又黑色，唔係好顯眼），我又要講我第一次幫襯唔知啫，使唔使用我煩到佢嘅面口呀？跟住已經好嬲，坐下來食嘢！（服務兩分係比男店員C嘅）
「煙三文魚三文治」：見雪櫃入面個demo幾好，就叫一個打底，店員A有問我堂食定外賣，我話堂食佢就幫我加熱，加熱之後食，已經幫我切開兩半，法包外脆，但整個包偏硬，食完個口損咗，餡料只有煙三文魚，三文魚淋身，唔加醬料都好味，但連菜都無就好寡！一般！
「雜莓慕絲蛋糕」：呢個係主菜，一食已經鍾意，外皮酸，中間莓慕絲滑，又有鬆軟蛋糕，底層係一個朱古力脆脆，比較硬，好難先切開，夾雜莓慕絲食，中和酸味，又有脆脆口感，好味道！
食完嘢，要買件蛋糕外賣比肥髀，咪又去櫃台揀餅，店員C幫我，放入紙袋（佢第一次失手，跌爛了一件，再同我講唔好意思，再攞過件入袋，）然後收錢我就回家！
回家後，同肥髀一齊分享，「栗子芒果蛋糕」，栗子蓉同中間忌廉好滑，唔會過甜！但無乜芒果味！唔知係唔係比肥髀食咗！就算只係栗子蛋糕都好味！
講真，熱食一般，甜品好味，但服務員要再訓練，一係餐廳增加指示，一係唔好做自助型式，唔係新客唔知規距，煩到佢嘅員工就唔好喇！我都唔想食餐應該好開心嘅午餐要受氣收場！
張貼
