大家食 (已結業)

好多年前喺荃灣食過幾次大家食，覺得佢個過山雞幾好食今日喺佐敦竟然見到呢間野，原來有分店！可能大家對佢第一印象都唔係咁好，覺得佢同某大快餐店個名好似，其實食既野可以話完全唔一樣架～咁多年冇食，今日梗係要揀番個過山雞試下有冇唔同味套餐係跟飯，冇野飲，34蚊。自己另叫野飲就加多7蚊如果係跟多個餸(豬油渣)連野飲就50蚊。今日唔算餓，所以就咁叫左個過山雞飯，唔連野飲個餐雖然冇野飲，仲要單餸，但有幾條油菜跟埋，其實都已經好夠飽，我仲有兩啖飯食唔晒。冇食咁多年，好似咸左少少，同埋比較油，減肥人士要考慮一下喇。