華嫂冰室 (已搬遷) 新店位置

聽左好耐但未試過的華嫂室，要特登入去天水圍食好似好遠咁，今日入去屏山天水圍圖書館，原來就喺後面! 機會黎喇飛雲!睇過食評，識食一定要食菠蘿包，豬仔包，蕃茄湯底加冰花奶茶。唔係住呢頭，黎到乜都食左先! 招牌菠蘿包真係名不虛傳，的確值得一等再等，你估都估唔到，將菠蘿包打開之後，加牛油、煎蛋、蕃茄一齊，菠蘿包脆脆面依然香脆，整體口感仲豐富左，而且仲咁夾。真係有創意。一人一半，2-3啖就食完，一啲都唔滯!另外招牌咸牛肉煎蛋豬仔包，同樣出色，咸牛肉煎香，加埋有汁煎蛋，每天啖都令人感受到3種食材的味道。吖，唔係，係4種，仲有個芝士溶左喺蛋下面，咁好味，太可惡。另外點左冰花奶茶，茶味奶味都香濃，冰打到好似碎冰咁。最後上的蕃茄湯雞翼豬扒通粉，蕃湯香濃，落左好多蕃茄，豬扒醃得好味道，肉質結實但唔會硬，好欣賞湯底同豬扒。食哂所有嘢，好滿足咁碌返入圖書館啃書，晚飽到晚餐都唔駛食!