影片
更多
2010-11-03
313 瀏覽
憶記童年時跟父母到東英大廈附近去三六九飯店食上海菜，鍋貼小籠包，醉雞元蹄等令人回味，箇中滋味時隔多年仍然回味無窮。事隔多年心仍對上海菜有情義結，多年走訪，在記憶中亦只有留園、雪園、老上海同埋寧波同鄉會令我印象較深。而位於中環嘅香港蘇浙滬同鄉會餐廳，久仰大名，一直好想試呢度嘅上海菜，可惜限於會員制下，一直未能到來一親芳澤，幸好今次得到貴人相助，我終於有機會嚐到呢份令人感動嘅味道...先來的幾碟冷盆，份量不多不少，賣相亦相當具水準。先試青筍海蜇頭，入口爽脆，青筍配上少少麻油香，鮮甜爽口，絕對醒胃。花雕醉雞酒味相當濃郁，雞肉亦滑嫩，好味非常，完全係兒時食到嘅正宗上海風味，倍覺感動。燻蛋煙燻味甚濃，上面加上胡椒，味道提升不少。不過燻蛋略嫌做得未夠溏心，相比下留園及連粵日嘅溏心蛋做得更出色。最驚喜嘅冷盆莫過於脆鱔，好味到令唔食魚嘅我亦雀躍萬分。咬落香脆鬆化，口感有點似生炒骨，絲絲甜味，實在令人食到停不了。冷盆過後來個熱湯相當唔錯，火瞳津白大大煲，未落肚就已經令人流晒口水。 侍應分碗前俾我先影相，金華火腿跟雞肉份量好多，用料絕對夠睇頭。湯底鮮甜而不油膩，津白亦鮮嫩夠腍，相當好味。金華火腿令一眾女士
先來的幾碟冷盆，份量不多不少，賣相亦相當具水準。先試青筍海蜇頭，入口爽脆，青筍配上少少麻油香，鮮甜爽口，絕對醒胃。花雕醉雞酒味相當濃郁，雞肉亦滑嫩，好味非常，完全係兒時食到嘅正宗上海風味，倍覺感動。燻蛋煙燻味甚濃，上面加上胡椒，味道提升不少。不過燻蛋略嫌做得未夠溏心，相比下留園及連粵日嘅溏心蛋做得更出色。最驚喜嘅冷盆莫過於脆鱔，好味到令唔食魚嘅我亦雀躍萬分。咬落香脆鬆化，口感有點似生炒骨，絲絲甜味，實在令人食到停不了。
冷盆過後來個熱湯相當唔錯，火瞳津白大大煲，未落肚就已經令人流晒口水。 侍應分碗前俾我先影相，金華火腿跟雞肉份量好多，用料絕對夠睇頭。湯底鮮甜而不油膩，津白亦鮮嫩夠腍，相當好味。金華火腿令一眾女士們又愛又狠，當然最後都係敵不過誘惑，一塊肥跟一塊瘦肉放入口中，肉味豐盈細膩，味道甘香無比，加上入口即化嘅火腿皮，實在無抗拒嘅理由！
紅燒元蹄我覺得係呢度不可不試嘅名菜之一，做法正宗，賣相亦吸引。香甜濃醬油炆得極入味，令甘香肥美外皮更見精彩，伴上菠菜一齊食，實在好食到不得了。至於瘦肉部份，無興趣再去欣賞了～哈哈！ 所以怕肥的朋友，就不如唔好食上海菜，但若然試過呢度嘅紅燒元蹄，必定愛上！
雖然已經十月到來，但食炒年糕的話，必定要加上大閘蟹，所以來個六月黃就最惹味。六月黃大閘蟹勝在外殼脆但內殼軟，而且肉質豐滿，蟹膏香甜，用來炒年糕非常合適。該晚年糕炒得煙韌入味，濃味醬汁配上毛豆蟹膏實在出色，不知不覺，我亦食左幾碗了...
上海菜另一個迷人之處，就係各種出色嘅飽點。蘇浙滬同鄉會嘅蔥油餅並唔係常見嘅外型，圓圓嘅酥餅，入口層次分明，味道唔錯。鍋貼做得唔錯，皮薄肉鮮，底部煎得夠脆，唔會太燶太硬，絕對有水準。
小籠包好味與否，我覺得對一間上海菜館有好深意義，正如到日本料理一樣，玉子蛋卷做得唔好的話，一切亦係徒然。呢度小籠包摺位做得相當工整，皮亦唔會過厚，咬落唔會有誇張湯汁，肉餡亦夠鮮味，如果可以做得更細小，一口一隻就最理想喇！
雖然大家已經好飽，但甜品總是不可或缺。豆沙鍋餅炸得極有睇頭，誘人嘅金黃色餅皮包住甜味剛好嘅豆沙，令人滿足，大家亦食得非常開心。最後再來一碗酒釀丸子，清香醇厚，丸子煙韌細緻，在呢個乾燥日子，份外覺得好味。
今餐實在相當滿足，蘇浙滬同鄉會果然名不虛傳，單係紅燒元蹄，脆鱔及六月黃炒年糕已經值回票價。不過呢度入會費亦要兩萬多元，特意入會來試當然唔會，但無可否認廚房水準相當出色，今次得貴人出手令本人有機會試菜，實在感激萬分！
張貼
