影片
更多
2017-11-14
5285 瀏覽
又係踩單車既季節，踩完單車之後唔知食咩好，見到openrice上評價咁高就過黎試下Menu上既食物選擇好多，價錢唔太貴，托一個大胃王朋友既福，可以試好多野食，因為有佢包底醉鴨舌 $45一份有十零件鴨舌，抵食！鴨舌爽口而且好有酒香，確實唔錯。涼拌三小碟 $68三小碟嘅分量都算大，三樣嘢分別係海蜇、涼拌四季豆，同埋麻辣牛筋，三款食物都極為開胃。海蜇富麻油香麻辣牛筋比想像中辣，口感爽韌，好惹味涼拌四季豆頗有驚喜，佢帶一種鹹香，令人欲罷不能，就係因為咁我同朋友都encore左呢個三小碟架維多利亞的秘密 $52 其實呢杯係優格野莓沙冰野莓味道自然清新，飲落去幾綿滑，又夠哂大杯，非常之值得一試紅燒牛肉麵 （粗麵） $62佢個湯底非常之濃郁，好重牛味，裏面嘅蔬菜為整個湯增添咗唔少甜味，個麵索曬啲牛肉湯，而牛腩同牛筋煮得非常之出色，得到朋友強烈既讚賞。麻辣大腸（小辣）$38因為朋友唔太食得辣，為左遷就佢我地叫左小辣，但依然食到小許麻辣勁，好惹味 豬腸爽口，肥膏較小，係我鐘意既類型！暗黑系甜心 $48其實係OREO沙冰，好足料又唔會愈飲愈淡，正鹽酥雞 $42一定要推薦呢個！！個炸衣香脆得黎又唔厚，亦保持
Menu上既食物選擇好多，價錢唔太貴，托一個大胃王朋友既福，可以試好多野食，因為有佢包底
醉鴨舌 $45
一份有十零件鴨舌，抵食！鴨舌爽口而且好有酒香，確實唔錯。
涼拌三小碟 $68
三小碟嘅分量都算大，三樣嘢分別係海蜇、涼拌四季豆，同埋麻辣牛筋，三款食物都極為開胃。
海蜇富麻油香
麻辣牛筋比想像中辣，口感爽韌，好惹味
涼拌四季豆頗有驚喜，佢帶一種鹹香，令人欲罷不能，就係因為咁我同朋友都encore左呢個三小碟架
維多利亞的秘密 $52
其實呢杯係優格野莓沙冰野莓味道自然清新，飲落去幾綿滑，又夠哂大杯，非常之值得一試
紅燒牛肉麵 （粗麵） $62
佢個湯底非常之濃郁，好重牛味，裏面嘅蔬菜為整個湯增添咗唔少甜味，個麵索曬啲牛肉湯，而牛腩同牛筋煮得非常之出色，得到朋友強烈既讚賞。
麻辣大腸（小辣）$38
因為朋友唔太食得辣，為左遷就佢我地叫左小辣，但依然食到小許麻辣勁，好惹味 豬腸爽口，肥膏較小，係我鐘意既類型！
暗黑系甜心 $48
其實係OREO沙冰，好足料又唔會愈飲愈淡，正
鹽酥雞 $42
一定要推薦呢個！！個炸衣香脆得黎又唔厚，亦保持到雞肉嫩滑，更唔會炸到乾爭爭，實在好過市面上好多台式餐廳！
有6款調味粉，試左香辣，原味，咖哩同埋紫菜，全部都唔錯～
蚵仔肉碎泡飯 $52
個蠔味可惜冇想像中咁重，有啲失手，食之前落咗唔少嘅胡椒粉黎吊味，但份量頗多，整體嚟講都唔差。
皮蛋豆腐 $28不嬲都係一個好穩陣既配搭，呢度正常發揮。
慢煮杜洛克豬巧巴拿達三文治 $68三文治既醬汁就比較多，類似魚柳包個汁，如果鍾意個款醬汁嘅人一定覺得好滿足。裏面嘅材料好豐富，例如有生菜、蕃茄、粟米同豬肉，而份三文治亦都包埋薯條，炸得幾香脆，唯獨係個麵包本身有啲硬。
整體黎講，當晚食既食物味道都幾出色，絕對值得encore!
張貼
