影片
更多
2022-12-13
129 瀏覽
📌見見面（九龍城）川菜一直係至愛菜式之一，見見面係朋友私心推介，菜式由正宗四川師傅誠意炮製，有齊水煮魚、酸菜魚、烤魚等菜式，吸引不少捧場客✨✴️酸菜魚 （生魚）湯底酸、辣之中帶胡椒味，味道濃郁，令魚片都好入味，而且魚肉肉質嫩滑，大大片，基本上係啖啖肉🤍只係偶有一兩片有細骨落單時揀咗中辣，滿滿嘅胡椒味十分醒胃，魚片份量好多，以$188呢個價錢性價比唔錯配料係另加嘅，我地加咗寬粉，厚身嘅寬粉索晒辣汁好惹味✨✴️宮保雞丁呢款係唔辣嘅小炒，味道有驚喜🤍鹹鹹甜甜之中帶醋香，酸酸哋好開胃，雞丁之外，有蓮藕、木耳、花生等等，口感同味道都唔錯，下次再嚟都會encore✨✴️手拍青瓜醬汁濃郁，蒜香味十足，青瓜口感清爽，解辣解膩一流✴️手撕茄子醬汁同手拍青瓜味道接近，分別在於茄子較索汁，辣味同蒜味同時充斥口腔，重口味之選🤤✴️紅糖糍粑$38糍粑即叫即炸，上枱時係熱辣辣㗎份量好足，幾抵食，炸皮脆而內裡糍粑煙煙韌韌，放耐咗依然脆口，點紅糖醬食，感覺甜絲絲🥰✴️桂花冰粉$30冰粉質地滑溜，加埋黑糖桂花清涼解辣食完重口味嘢，食返碗冰粉感覺清新晒
川菜一直係至愛菜式之一，見見面係朋友私心推介，菜式由正宗四川師傅誠意炮製，有齊水煮魚、酸菜魚、烤魚等菜式，吸引不少捧場客✨
✴️酸菜魚 （生魚）
湯底酸、辣之中帶胡椒味，味道濃郁，令魚片都好入味，而且魚肉肉質嫩滑，大大片，基本上係啖啖肉🤍只係偶有一兩片有細骨
落單時揀咗中辣，滿滿嘅胡椒味十分醒胃，魚片份量好多，以$188呢個價錢性價比唔錯
配料係另加嘅，我地加咗寬粉，厚身嘅寬粉索晒辣汁好惹味✨
✴️宮保雞丁
呢款係唔辣嘅小炒，味道有驚喜🤍
鹹鹹甜甜之中帶醋香，酸酸哋好開胃，雞丁之外，有蓮藕、木耳、花生等等，口感同味道都唔錯，下次再嚟都會encore✨
✴️手拍青瓜
醬汁濃郁，蒜香味十足，青瓜口感清爽，解辣解膩一流
✴️手撕茄子
醬汁同手拍青瓜味道接近，分別在於茄子較索汁，辣味同蒜味同時充斥口腔，重口味之選🤤
✴️紅糖糍粑$38
糍粑即叫即炸，上枱時係熱辣辣㗎
份量好足，幾抵食，炸皮脆而內裡糍粑煙煙韌韌，放耐咗依然脆口，點紅糖醬食，感覺甜絲絲🥰
✴️桂花冰粉$30
冰粉質地滑溜，加埋黑糖桂花清涼解辣
食完重口味嘢，食返碗冰粉感覺清新晒
張貼
