影片
更多
2024-03-04
65 瀏覽
Check-in Taipei係一間新派台式餐廳，想試好幾年😂環境非常舒適，樓底高，座位寬闊，而且窗外可以直望避風塘😍<招牌魯肉飯> $68<招牌牛肉麵> $108<肉鬆皮蛋蛋餅> $78<黑芝麻奶奶麻糬> $88<招牌魯肉飯>選用台灣知名的米種--台梗九號米，出名口感軟硬適中、兼具黏性、米香可口，掛上半肥瘦嘅魯肉同肉汁，同溏心蛋，簡單好食🤤另有特色魯肉飯，如櫻花蝦、松露等，大家試完都可以話我知好唔好食😋<招牌牛肉麵> 餐牌介紹：選用香港六十年老字號「兆記肥牛」提供嘅牛脂肪整成嘅「牛脂油」，放入熱純牛骨湯裏融化，再添加非常輕微香辣調味。的確，食嘅時候有驚訝湯底好香，應該就係牛脂嘅濃郁香氣，紅燒嘅香辣就偏輕。牛𦟌肉有4舊，尚算軟稔；手工刀削麵都有嚼勁掛汁；仲有好特別嘅炸脆嘅蟲草花，脆卜卜同麵一齊食，口感豐富有層次！<肉鬆皮蛋蛋餅> 蛋餅皮改用類似腸粉皮但煙煙韌韌同加埋蛋，醬汁是沙拉醬和燒汁，是創新嘅蛋餅！蛋餅餡料份量超豐富，滿滿皮蛋和肉鬆，但我覺得醬汁有點太濃太鹹，同我鍾意傳統
環境非常舒適，樓底高，座位寬闊，而且窗外可以直望避風塘😍
<招牌魯肉飯> $68
<招牌牛肉麵> $108
<肉鬆皮蛋蛋餅> $78
<黑芝麻奶奶麻糬> $88
<招牌魯肉飯>
選用台灣知名的米種--台梗九號米，出名口感軟硬適中、兼具黏性、米香可口，掛上半肥瘦嘅魯肉同肉汁，同溏心蛋，簡單好食🤤
另有特色魯肉飯，如櫻花蝦、松露等，大家試完都可以話我知好唔好食😋
<招牌牛肉麵>
餐牌介紹：選用香港六十年老字號「兆記肥牛」提供嘅牛脂肪整成嘅「牛脂油」，放入熱純牛骨湯裏融化，再添加非常輕微香辣調味。
的確，食嘅時候有驚訝湯底好香，應該就係牛脂嘅濃郁香氣，紅燒嘅香辣就偏輕。
牛𦟌肉有4舊，尚算軟稔；手工刀削麵都有嚼勁掛汁；仲有好特別嘅炸脆嘅蟲草花，脆卜卜同麵一齊食，口感豐富有層次！
<肉鬆皮蛋蛋餅>
蛋餅皮改用類似腸粉皮但煙煙韌韌同加埋蛋，醬汁是沙拉醬和燒汁，是創新嘅蛋餅！
蛋餅餡料份量超豐富，滿滿皮蛋和肉鬆，但我覺得醬汁有點太濃太鹹，同我鍾意傳統蛋餅皮多少少😂
<黑芝麻奶奶麻糬>
好好食🤤
麻糬奶香十足，軟稔滑溜，配埋滿碟都係嘅黑芝麻，每一口都好幸福🥰
店員都好好咁幫忙攪拌同切，方便大家分黎食！
張貼
