喜記避風塘炒辣蟹 (利園山道) (已結業)

秋風起，想食蟹，喜記避風塘炒辣蟹都幾出名，一於去食！我地點左精選二人套餐，包左幾多野食: 1️⃣醉鮑魚兩隻 凍食飽魚唔錯喎！大大隻，肉質彈牙，好鮮甜，正！2️⃣避風塘炒辣蟹一隻 揀咗小辣 一上菜就聞到勁香！不過都要打左卡先，因為隻蟹幾大隻，賣相好靚☺️餐廳好貼心，預先幫我地斬左件，又鉗碎左d蟹鉗，所以食嘅時候都幾方便，避風塘炒蟹真係幾惹味，好入味😋呢首菜真係色香味俱全！3️⃣豉椒炒蜆 用左海鮮醬、豆豉同蒜蓉黎炒，好有鑊氣，食落好滋味！d蜆嘅份量好多，食極都仲有，同埋真心中意個醬汁😋蒜蓉味十足4️⃣蟹油炒河粉 河粉炒得靚，完全冇黐埋一舊，芽菜新鮮，蟹油味香濃，正！5️⃣蒜蓉炒時菜 份量足，夠新鮮，清清地，解下膩😘茶位$8一位呢一餐都食得幾滋味，服務又唔錯，good!