抹茶館 (已搬遷) 新店位置

跟朋友去完西貢外拍，曬完幾個鐘回程自然想坐低休息下，所以回程時就決定坐去鑽石山搵野食。 不過到左後又諗唔到食邊間，最後就決定再戰之前食過嘅抹茶館。同上次一樣都係好滿坐，都係要等下先入得去。熱死辣辣，梗係先點個涼透心嘅凍飲先，今次試嘅係 白玉雪糕牛奶抹茶 ，用嘅雪糕都係綠茶雪糕，不過好快融，所以要先食哂，白玉幾煙齦，抹茶味道香濃，唔錯！因為同朋友Share，所以就叫左 特盛豚骨醬油拉面 ，不過抹茶館嘅主食一樣無變都係差少少，見到成碗都係黑蒜油經已食慾大減，溏心蛋欠逢（感覺只有熟哂嘅白煮蛋），叉燒份量極少，而且唔太好食，紫菜浸淋晒，麵條亦只係超一般。最後嘅甜品就係 抹茶紅豆銅鑼燒 ，同主食相比，呢個甜品真係高水準好多，雖然班戟比較甜，但配上唔同配料剛好平衡翻，而且配上唔同配料有唔同味道同感覺，正！