瑞士餐廳 (已結業)

星期四晚同老公去天后瑞士餐廳食晚飯，我地兩個第一次一齊品嚐瑞士芝士火鍋。餐廳會送上餐前小食: 檸檬氣泡，好似食緊檸檬味既雪葩，酸酸地，又係凍既，好特別。南瓜忌廉湯忌廉味好濃，唔會好稠身，好飲又唔膩。凱撒沙律配煙三文魚沙律醬撈得好均勻，而且新鮮爽脆，煙三文魚肥美，連車厘茄都超甜。瑞士芝士火鍋配有一籃麵包粒，等佢預熱完畢就可以蘸黎食。芝士鹹鹹地，酒味濃郁，好正宗既口味。德國咸豬手外皮卜卜脆，好似燒乳豬個種，肉質嫩滑，鹹度又適中，係食過最好食既咸豬手。飲品叫左熱Mocha同凍Swiss Chocolate。Mocha香濃幼滑。瑞士朱古力甜甜地好飲，有少少華田既味道。