烤焗工房 (已搬遷) 新店位置

放假同朋友嚟咗葵廣掃街shopping，放假咁開心梗係比自己放縱一下食啲邪惡野啦😋🔺炸薯條配安格斯牛柳粒🐄佢有幾種醬汁俾你揀例如芝士，蜜糖芥茉，千島醬茄汁，沙律醬。一定有一種啱你！作為芝士愛好者嘅我梗係揀芝士醬啦！首先個賣相好吸引見到啲芝士半溶喺薯條都已經令我食慾大增🥰而且佢一啲都唔吝嗇俾咗好多芝士醬👍🏻但可惜佢嘅芝士味唔夠濃感覺溝咗忌廉😭其次我好鍾意食粗薯條，因為咁先食到多啲薯仔肉😋呢間舖頭就啱晒我👍🏻佢嘅牛柳粒味道普通但價錢咁平就算！佢嘅份量都幾大份自己一個食晒就食唔到其他嘢😭所以同朋友仔一齊share就啱晒🥰