影片
更多
2023-07-25
90 瀏覽
《串燒堂(西環)》上個禮拜有個老死請左我食飯，今日我又請返佢食啲邪惡野，係堅尼地城做完野睇地圖附近有咩好食，見到呢間串燒鋪覺得唔錯就去食佢啦！佢店面坐到大約20人左右，設計簡單，見到隔離枱有6個學生哥食緊，我地見佢地點嘅野食望落都唔錯，一於參考佢地。由於我地兩個都好肚餓，所以試左好多唔同款式！燒雞軟骨雞腎(各三串)雞軟骨同腎都係我嘅喜愛，雞軟骨燒得剛剛好，有油香得嚟無左果種油膩感，雞腎都係燒烤必點，爽口得嚟無好似橡筋咁咬唔爛。燒蒙古羊肉串﹑燒紐西蘭羊架羊肉加左香料粉無羊騷味，口感細緻，我覺得本身唔食羊嘅朋友仔都可以一試，好似食緊高級牛柳咁。燒韭菜﹑蒜蓉燒大茄子雖然佢地係蔬菜，但加左小辣嘅香料粉之後都係十分邪惡，店主無燒到佢乾哂，食落係有juicy，如果唔係仲有咁多野食，呢個韭菜同茄子係可以再encore！燒豬仔脾﹑醬燒五花腩豬頸肉店家好細心，豬仔脾本身比較大隻，好易燒到出面乾哂入面未熟，同埋件上的話食落都比較論盡。事先剪開左再處理令到成件豬脾都好入面，內外都係煮得剛剛好無太乾同唔熟。另外兩款豬串燒都係外面燒到有少少焦咬落係滿滿嘅油香，口感爽滑一啲都唔鞋身。五花肉肥瘦相間，都係屬於可以再
上個禮拜有個老死請左我食飯，今日我又請返佢食啲邪惡野，係堅尼地城做完野睇地圖附近有咩好食，見到呢間串燒鋪覺得唔錯就去食佢啦！佢店面坐到大約20人左右，設計簡單，見到隔離枱有6個學生哥食緊，我地見佢地點嘅野食望落都唔錯，一於參考佢地。由於我地兩個都好肚餓，所以試左好多唔同款式！
燒雞軟骨雞腎(各三串)
雞軟骨同腎都係我嘅喜愛，雞軟骨燒得剛剛好，有油香得嚟無左果種油膩感，雞腎都係燒烤必點，爽口得嚟無好似橡筋咁咬唔爛。
燒蒙古羊肉串﹑燒紐西蘭羊架
羊肉加左香料粉無羊騷味，口感細緻，我覺得本身唔食羊嘅朋友仔都可以一試，好似食緊高級牛柳咁。
燒韭菜﹑蒜蓉燒大茄子
雖然佢地係蔬菜，但加左小辣嘅香料粉之後都係十分邪惡，店主無燒到佢乾哂，食落係有juicy，如果唔係仲有咁多野食，呢個韭菜同茄子係可以再encore！
燒豬仔脾﹑醬燒五花腩豬頸肉
店家好細心，豬仔脾本身比較大隻，好易燒到出面乾哂入面未熟，同埋件上的話食落都比較論盡。事先剪開左再處理令到成件豬脾都好入面，內外都係煮得剛剛好無太乾同唔熟。另外兩款豬串燒都係外面燒到有少少焦咬落係滿滿嘅油香，口感爽滑一啲都唔鞋身。五花肉肥瘦相間，都係屬於可以再encore系列。
雞肉棒串
呢個就係比較傳統係居酒屋成日都會食到嘅免治雞肉串，如果有埋雞軟骨係入面嘅話會再昇華多一個層次令到口感再豐富啲。
錫紙燒花甲
燒烤店除左串燒之外呢個都算係必點之一，個花甲一送到上枱就已經係有一陣好濃烈嘅蒜同蔥香味湧入個鼻度。花甲無一隻係得殼無肉之餘全部都無沙，如果個底再加多少少粉絲一啖花甲一啖蒜再一啖粉絲就真係perfect！
黑松露芝士撈丁
呢個簡直係邪惡之首，個出前一丁上面鋪滿濃濃嘅芝士，輕輕燒一燒令到芝士係溶同未溶之間，再加埋黑松露醬，即使用完個麵之後松露嘅味道係維持左成餐飯都無散。
食物質素 ⭐️⭐️⭐️⭐️⭐️/5
用餐體驗 ⭐️⭐️⭐️/5
性價比 ⭐️⭐️⭐️/5
如果你都想試下呢間出色嘅串燒店，記得bookmark定呢間餐廳，約埋三五知己一齊嚟試下👨👨👧👦
地址: 西環堅尼地城荷蘭街1A-1G號太康大廈地下D號舖
#barbecue #grill #spicy #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram
1 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
3 瀏覽
0 讚好
0 留言
1 瀏覽
0 讚好
0 留言
張貼
