熨烤達人 (已結業)

每枱入座後都會免費送上3款配菜(泡菜，豆芽，醃蘿蔔)，以及爐邊蛋+芝士粟米，生菜，食完可以refill。服務非常好，除左會幫手燒，仲會教你點燒，好有耐性，自己又可以試下燒。叫左芝士炸雞($138)，自暴自棄速食麵($78)，磚頭五花肉($138)，牛排肉($88)。店員果然冇推介錯，炸雞非常吸引。除左有芝士，仲會落乳酪。先拎走個烤板，煮個pan。炸雞有8大件，外皮包滿粟米片，芝士熔左之後，就可以卷住個雞食。芝士多到好邪惡，但食完唔會覺得炸到好熱氣，亦唔膩。要趁熱食。用熨斗烤肉都係第1次，搞新意思，亦可以令d肉更受熱。侍應先用熨斗壓住五花肉烤，再厚切燒，然後切件。件件都燒到金黃色，瘦肉厚厚一層，夾住少少肥肉，一流。望落塊肉好似好少，但切完一件件，食食下就飽飽地，而且剛剛好d肉圍住個爐邊鋪得完。用生菜夾住好似冇咁邪惡，亦有fresh咁感覺。牛排肉有6件，要轉另1個鐵網燒，d肉汁多到流出黎，而且燒完唔會韌，仲"林""林"地，過下口癮。自暴自棄速食麵配有八爪魚形狀既香腸，煎蛋，加入芝士，肉粒攪拌麵條。就咁望，睇唔出落左芝士，但食落口好重芝士味，而且拉絲，微辣開胃。不過，如果同餐牌上既賣相一樣，