陸陸雞煲火鍋 (已結業)

久仰大名的66雞煲，終於有機會食到，秋風起，今晚係時候同雞煲人去食。有新set，陸陸海鮮套餐 $298/位(原價$338)，有雞煲同龍蝦火煱配料，超豐富！冷盤小食係冰鎮花螺，好鮮味。先食陸陸雞煲BB辣，有半隻雞，店員會幫忙煮雞，等一陣就有得食！雞煲香噴噴，少少辣，真係好惹味！食完雞煲換上火煱湯煲，龍蝦湯內有蕃茄粟米。龍蝦真係好大隻！海鮮拼盤有鮑魚、帶子、貴妃蚌、廣島蠔、聖子、蜆、海蝦、魚片，鮑魚好大隻，新鮮又彈牙。連蝦都有兩種，有大頭蝦，都幾特別。肉類有頂級牛肩胛片、牛柳粒、豬肉片，牛柳粒很軟嫩又有嚼勁。手打蝦丸、墨丸、豬肉丸菇菌類拼盤都唔係hea，好多品種！魚皮餃、雲吞、水餃、白菜豬肉餃、韓式泡菜餃，應有盡有。鮮菜藍都好新鮮，有皇帝菜、生菜、娃娃菜、油麥菜。自家炸響鈴炸魚皮估唔到最後仲有甜點，有冰西瓜和雪米糍。