影片
更多
2020-09-04
457 瀏覽
朋友想食好耐嘅哥老官終於嚟香港開舖，耳仔發炎咗成個星期終於好返，決定捨命陪君子，同佢嚟朝聖一下！餐廳主打四川麻辣火鍋，最出名嘅係牛蛙同魚頭，食物選擇亦唔少。一步入餐廳已經俾佢嘅醬料枱吸引住，頂部係十二生肖嘅銅像，非常吸睛，醬料選擇極多，係我哋食過嘅火鍋店中最多嘅一間。麻辣鳳爪就食得多，第一次食烏雞鳳爪，唔知係咪心理作用，感覺比平時食到嘅鳳爪口感結實彈牙，最出色嘅係佢嘅調味，香口開胃。湯底方面係子母鍋，外面係經典嘅老哥麻辣湯底，我哋揀咗標準辣度，雖然望落紅噹噹，但其實冇想像中咁辣；而中間嘅係羅宋湯，味道偏酸，有少少解辣嘅效果，而且都適合配搭蔬菜。今晚嘅主角之一當然唔少得魚頭，鰱魚頭尺寸頗大，配上麻辣湯底非常惹味，而且越食越辣，非常過癮，鍾意吮魚頭嘅絕對唔能夠錯過。牛蛙就食得多，但第一次食原隻上嘅牛蛙，一上菜嘅時候有啲嚇親，但望多兩望都幾搞笑，成個大隻佬咁。朋友唔講都唔知，原來牛蛙同田雞係唔同，牛蛙比田雞體型更大，啖啖肉，肉質彈牙，但肉味較淡，所以好適合配搭麻辣鍋。鵝腸非常乾淨，一丁點油脂都冇，口感爽脆，配搭麻辣湯底非常過癮。毛肚大大片，冇經過漂白，令人食得安心，放入麻辣湯底淥十秒八秒就食
餐廳主打四川麻辣火鍋，最出名嘅係牛蛙同魚頭，食物選擇亦唔少。
一步入餐廳已經俾佢嘅醬料枱吸引住，頂部係十二生肖嘅銅像，非常吸睛，醬料選擇極多，係我哋食過嘅火鍋店中最多嘅一間。
饞嘴烏雞爪
23 瀏覽
0 讚好
0 留言
麻辣鳳爪就食得多，第一次食烏雞鳳爪，唔知係咪心理作用，感覺比平時食到嘅鳳爪口感結實彈牙，最出色嘅係佢嘅調味，香口開胃。
美蛙魚頭鍋
25 瀏覽
0 讚好
0 留言
湯底方面係子母鍋，外面係經典嘅老哥麻辣湯底，我哋揀咗標準辣度，雖然望落紅噹噹，但其實冇想像中咁辣；而中間嘅係羅宋湯，味道偏酸，有少少解辣嘅效果，而且都適合配搭蔬菜。
水庫花鰱魚頭
42 瀏覽
0 讚好
0 留言
今晚嘅主角之一當然唔少得魚頭，鰱魚頭尺寸頗大，配上麻辣湯底非常惹味，而且越食越辣，非常過癮，鍾意吮魚頭嘅絕對唔能夠錯過。
特色牛蛙
63 瀏覽
0 讚好
0 留言
牛蛙就食得多，但第一次食原隻上嘅牛蛙，一上菜嘅時候有啲嚇親，但望多兩望都幾搞笑，成個大隻佬咁。朋友唔講都唔知，原來牛蛙同田雞係唔同，牛蛙比田雞體型更大，啖啖肉，肉質彈牙，但肉味較淡，所以好適合配搭麻辣鍋。
古法生摳鵝腸
20 瀏覽
0 讚好
0 留言
鵝腸非常乾淨，一丁點油脂都冇，口感爽脆，配搭麻辣湯底非常過癮。
老官招牌毛肚
16 瀏覽
0 讚好
0 留言
毛肚大大片，冇經過漂白，令人食得安心，放入麻辣湯底淥十秒八秒就食得，索湯之餘清脆爽口。
熟鹵香豆干
13 瀏覽
0 讚好
0 留言
鹵豆干非常入味，放入麻辣湯底亦唔會完全掩蓋佢嘅滷水香，口感結實彈牙，食多兩件都唔會膩。
唐生菜
9 瀏覽
0 讚好
0 留言
平日食麻辣火鍋都係以肥牛同海鮮作為主菜，今次俾魚頭同牛蛙做主角亦係一個新嘗試，而且出乎意料咁夾，可惜兩個人都唔係食到幾多嘢，希望疫情快啲過去，可以約多幾個朋友嚟擦餐勁。
張貼
