髀魔-雞髀第一店 (福民路) (已結業)

今日係西貢行完山，決定黎呢間好多人介紹既髀魔試吓大雞髀。店鋪位於條好多食店既小巷內，店面好細，由於係周未，門口都有唔少人等緊。買咗一隻招牌黃金魔髀，亦即係鹹蛋黃醬雞髀，由於係即場炸，都等咗15分鐘左右。隻雞髀拎到手真係超級巨大，外皮炸得好香脆，鹹蛋黃味好濃郁，雞髀肉雖然無外皮咁重鹹蛋黃味，但係肉質嫩滑多汁，熱辣辣，超級正！不過真心要兩個人先KO到隻巨髀另外我哋買咗個麻辣火焰金粒豆腐，份量都幾多，同樣外皮酥脆，又保持到豆腐既嫩滑，口感豐富，加上啲辣粉，十分惹味食完咁邪惡既美食後真係超級滿足但又很大罪疚感